پەیڤدارێ پۆلیسێن باژێرێ هەولێرێ ڕاگەهاند، تۆهمەتبارەک دەستەسەرکریە کو کۆژمێ ٤٠٠ هزار دۆلار د مالەکێدا دزیە و پشترا بۆ ژ دەرڤەی ولاتی رەڤی بوو.
ئەڤرۆ سێشەمبی، هۆگر عەزیز پەیڤدارێ رێڤەبەراتیا پۆلیسێن هەولێرێ د کۆنفرانسەکا رۆژنامەڤانیدا راگەهاند، پشتی ئەنجامدانا چەندین دیڤچوون و ڤەکۆلینان شیاینە کەسەکی ب تۆهمەتا دزینا ٤٠٠ هزار دۆلارێن ئەمریکی و هندەک زێڕان ژی دەستەسەر بکەن.
ئاماژە ب وێ ژی دا، تۆهمەتباری د مالەکێدا کۆژمێ ٤٠٠ هزار دۆلارێن ئەمریکی و هندەک زیڕ دزینە و پشترا بۆ ژ دەرڤەی ولاتی رەڤیە.
دبێژیت ژی، د داویێ دا ڤەگەریایە باژێرێ هەولێرێ و د بۆسەیەکا هێزێن پۆلیساندا ل پارێزگەها هەولێرێ دەستەسەرکریە.
ئەویەک ژی دابەرچاڤکرن، ئەو تۆهمەتبارە ب هندەک ژ وی پارەی یەکەیەکێ ئاکنجیبوونێ یێ گرانبەها ژدەرڤە ولاتی کڕیە و پشکا دیا وی پارەی خەرج کریە .
گۆتژی، “پشتی کو مە ئەو تۆهمەتبارە دەستەسەرکریە و مە دەست بسەر ٤٩ هزار دۆلارێن ئەمریکیدا گرتینە.”
Comments are closed, but trackbacks and pingbacks are open.