پۆلیسێن پارێزگەها هەولێرێ ڕاگەهاند، ژن و مێرەک پشتی کو لسەر ئاریشەیەکێ د ناڤبەرا واندا دبیتە شەرە دەف ب چەقۆیان دهێنە کوشتن.
ئەڤرۆ ئەینی، پۆلیسێن پارێزگەها هەولێرێ راگەهاندنەک بەلاڤکر و دناڤدا دەربارێ کوشتنا ژن و مێرەکی ل هەولێرێ ئاشکرا کریە ، کۆ هێزێن ڕێڤەبەراتیا پۆلیسێن پارێزگەها هەولێرێ هایدارکرینە ب هەبوونا دوو تەرمان ل شاوێس.
دبێژیت ژی، “پشتی گەهشتنا هێزێن مە دەرکەفت کو دوو هەڤژین ب ناڤێن “نیهاد سەعید مستەفا” و “ئیخلاس فازل خورشید” ب چەقۆیان هاتینە کوشتن”.
هەر لدیڤ ڕاگەهاندنا پۆلیسێن پارێزگەها هەولێرێ، “ژ ڤەکۆلینێن دەسپێکی دەرکەفت کو هەردوو لسەر ئاریشەیەکێ دناڤبەرا خۆدا بشەر چوونە و یێ ئێکێ چەقۆیێ ل یێ دوێ د دەت و چەقۆ ب رانێ یێ ئێکێ ژی دکەڤیت و دبیتە سەدەمێ خوین بەربوونێ و ل جهێ بوویەرێ هەردوو ژیاناخۆ ژدەست ددەن”.
ئاماژە ب وێ ژی هاتیەکرن، “پۆلیس مژیلی ڤەکۆلینێ نە بۆ گەهشتن ب سەدەمێ راستەقینەیێ وێ بوویەرێ و د ئایندەیەکێ نزیکدا زانیاریێن زێدەتر دئێخین بەرچاڤ “.
Comments are closed, but trackbacks and pingbacks are open.