خورشید ئـەحـمـەد ســورچــی
د هەر ولاتەكی تشتەكێ ئاساییە كەرتێ تایبەت مل ب ملێ حكومەتێ كاربكەت بەلێ پێدڤییە حكومەت چاڤدێریا كاروبارێن كەرتێ تایبەت بكەت و هەرگاڤا كارێن خو ب شێوەكی تەندروست و پێڕفێكت ئەنجام نەدا لێپرسینێ دگەل بكەت , كەهــرەب پێتڤیەكا گرنگە بو ژیانا مروڤایەتیێ ب گشتی و پێشئێخستنا تەكنەلوژیێ ب تایبەتی , هەرێما كوردستانێ كەش و هەوایەكێ گونجایی یێ هەی بۆ دروست كرنا كەهرەبێ بەلێ ئەم یێ دبینین كو كەهرەب وەك پێتڤی ناهێتە دان ب خەلكی .
وەزارەتا كەهرەبێ بەری چەند سالەكە پڕوژەك ڕاگەهاند ب ناڤێ ( پیڤەرێ زیرەك ) كو دا دیاركرن ئەڤ پیڤەرە دێ شێت زێدەگاڤیێن هاتینە كرن كونتڕول بكەت و شیانێن دانا كەهرەبێ دێ زێدەتر لێهێت حەتا بانگەشا هندێ دهاتە كرن كو حەتا 22 دەمـژمێرا كەهرەب ب وەلاتیان دێ هێتە دان بەلێ مە ئەو تشتە نەدیت یێ وەزارەتێ بەحس ژێدكر
جەنابێ وەزیریێ كەهرەبێ تو دزانی پێشمەرگە یێ ژ دەواما خو دهێتە مال ئاڤەكا گەرم نیە سەرێ خو پێ بشووت , كرێكارەك كو ژ سپێدێ حەتا ئێڤارێ دچیتە ڕێنجبەریێ یێ دهێتە مال ئاڤەكا گەرم نیە سەرێ خو پێ بشووت , یان پیڤەرێ خو زیرەكتر كەن دا ئاڤ پێ گەرم بیت یان ژ كەرەما خوو وەرن كەهرەبا مە بزڤڕینە سەر بارودوخێ بەری نوكە .
- نڤیسەرێ هێژا ئەو ناڤێ تە لخارێ هاتیە نڤیسین دکاری هەموو بابەتێن خۆ بببینی
Comments are closed, but trackbacks and pingbacks are open.