ل دویڤ نویترین ڤەكۆلینا ل سەر هەردوو ڤاكسینێن فایزەر و ئەسترازینكا هاتییە كرن، ئەو ڤاكسین د ماوێ سێ هەیڤان دا بەرامبەری دەلتا ڤایرۆس لاواز دبن.
ئەو ڤەكۆلین ل زانكۆیا ئۆكسفۆرد یا بەریتانی هاتییە كرن و تێدا هاتییە: ئەو كەسێن هەردوو قورچێن ڤاكسینێن فایزەر و ئەسترازینكا وەرگرتین و پاشی تووشی كۆرۆنایێ بووین، مەترسیدارترن ل سەر خەلكێ دی ژ وان كەسێن تووشی نڤشێن دی یێن كۆرۆنایێ بووین.
ل دویڤ وێ ڤەكۆلینێ یا ل سەر سێ ملیۆن كەسان هاتییە كرن، پشتی بۆرینا 90 رۆژان ل سەر وەرگرتنا قورچا دووێ یا هەردوو ڤاكسینێن فایزەر و ئەسترازینكا، مفایێ یێ ئێكێ ب رێژەیا 75% ێ و مفایێ یێ دووێ ب رێژەیا 61% ێ كێم دبیت.
ئەڤ زانیاریێن ڤێ ڤەكۆلینێ هەڤدەمن دگەل وان ئەنجامێن ڤەكۆلینەكا ناڤەندا ئەمریكییا كۆنترۆلكرن و خۆپاراستنێ ژ نەخۆشییان گەهشتیێ كو پێدڤییە هەر كەسێ دوو قورچێن ڤاكسینی وەرگرتین، پێدڤییە هەیڤا بهێت قورچا سێ یێ ژی وەرگریت، ئەڤە ل وی دەمێ كو ل ئسرائیل ژی ژ هەیڤا بۆری وەرە دەست ب دانا قورچا سیێ یا ڤاكسینێ فایزەر هاتییە كرن.
Comments are closed, but trackbacks and pingbacks are open.