دیدار / دلۆڤان ئاکرەیی

دنوکەدا پێشمەرگەیێ کوردستانێ وەکی شورەکێ ب هێزە ل سنورێ ئێرانێ هەتا سووریا دەرڤەت بۆ هەڕڤاندن و تێکدانا وێ نینە

پێشمەرگەیێ دێرین بابەکڕ زێباری
سوپا سالارێ بەرێ یێ ئێراقێ و بەرپرسێ ئوپراسیونن قیادەیا ژورا عەملیاتان ل هەرێما کوردستانێ
بۆ مالپەڕێ ( زێ بادینان) باسی ژین و ژیار و قوناغێن کار و ئەرکێ خۆ دناڤ رێزێن شورەشێدا کر و گۆت ئەز دایک بوویێ سالا ١٩٤٥ مە ل گوندێ بیڕەکەپڕا کۆ ل وەختێ خۆ ناڤەندا قەزا زێبار بوو ل دایک بوویە کۆ دیماهییا جەنگێ جیهانییێ دوویێ بوو کۆ ل وی دەمی کاودان نە دباشبوون بەلێ ژبەر کۆ دەڤەرا مە دەڤەرەکا چیاێی بوو تا رادەیەکی ل گەل دەڤەرێن دی ژبەر غەلا و کولبێ ئەم باشتر بووین ، ل قوناغا بنەرەتی ل هەردوو گوندێن بیرەکەپڕا و هەرنێ من وانە خاندینە وقوناغا بنەرەت من ب دیماهیک هینایە و ژبەر نەبوونا قوتابخانا ناڤنجی بۆ درێژەپێدان ب خاندنا خۆ من قەستا قوتابخانەیەکا ناڤنجی ل باژێرێ ئاکرێ کر و ل سالا ١٩٦١ من پەیوەندی ب رێزێن ئێکەتیا لاوان و ئێکەتیا قوتابییێن کوردستانێ کریە و بویمە ئەندامەکێ چالاک یێ پارتی دیموکراتی کوردستان د وی سەردەمیدا پرانیا هەرە زور یا خەلکێ باژێرێ ئاکرێ پارتی بوون و بتنێ چەند کەسەک ب سەر حزبا شوعییا کوردستانێ ڤەبوون ، پشتی کۆ دەڤەرا مە هاتیە رزگار کرن ب ڕێبەرێیا راستەوخوو یا بارزانی نەمر و پێشمەرگەیێن کوردستانێڤە ئەز زڤریمەڤ دەڤەرا خۆ و بارزانی نەمر ئەمر ل پێشمەرگەی کر کۆ نەچنە دناڤ گوند و سەنتەرێن باژێراندا دا بەهانە بۆ رژێما وی دەمی نەرەخسێت کۆ هێرش و بوردومانا سەرخەلکێ گوند و باژێران بکەتن و شیرەت و فەرمان دان کۆ ب دویرێیا کیلو مەتڕان دوڕ ژێ دەڤەران بمینن و گۆت بەروڤاژی سەرکردەیێن نوکە یێن حەماس و حزبولا کۆ دناڤ سەنتەرێن باژێراندانە بووینە ئەگەرێ ژناڤ چوون و قوربانیدانا خەلکی ،
بابەکڕ زێباری زێدەتر گۆت ل سالێن دیڤدا من قەستا باژێرێن مویسل و هەولێر کر بۆ تەمامکرنا خاندنا خۆ و پاشان باوەرنامەیا خۆ من ل سالا ١٩٦٨پێشکێش ب کۆلێژا سەڕبازی کر و پشتی ئەنجامدانا تاقیکرنان ل رێکەڤتی ٨/٣/١٩٦٩ هاتمە وەرگرتن و ل ١٨/ ١٠/ ١٩٧٠ خۆڵا هاڤێتنا چەکێ گران من ب دیماهیک هینا و پشتی کۆ تیروپشک هاتیە کێشان ل خولا بەرەڤانیکرنێ ل فروکەیان هاتمە وەرگرتن و پشتی دیماهیک هینانا وێ خولێ ژی ل گەل هەڤالێن خۆ چوومە ولاتێ ئوردون و بریار هاتبوو دان کۆ بتنێ د هەیڤەکێدا ٣ رۆژ مۆهلەت ب مە بهێتە دان بەلێ ژبەڕ دوێریا رێکێ ب ناچاری دوو مەهان ب جارەکێ ئەز و هەڤالێن خۆ بۆ مال دزڤرین کۆ مەهلەتا مە یا سەربازی د گەل روژێن ئەهێنی دبوو ٨ روژ و بۆ دەمێ سالەک و حەفت هەیڤان ل ولاتێ ئوردون بووین و ئەز شێیام پلا ئەفسەرێ توپ هاڤێژ وەرگرم و من بەژداری ل گەلەک خۆڵ و راهێنانن سەربازی یێن سەخت و گرنگ مینا خۆ هاڤێتن ب چەتڕێ و هاڤێتنا جورێن چەکێن گران و هاوناندا کر کۆ مەبەستا من و هەڤالێن من خۆ بەرهەڤکڕن بوون بۆ بەژدارێکرنێ د رێزێن شوڕەشا کوردستانێدا
پشتی کۆ من خولێن خۆ ب دیماهیک هینای ل ٢٩/٣/١٩٧٣ دەمێ کۆ ئەز ل حەبانییێ بووم ل سەڕ داخازا بارزانییێ نەمر ب رێکا بابێ خۆ هاتمە ئاگەهداڕکرن کۆ پەیوەندیێ ب ناڤ رێزێن شورەشێ بکەم ل فەوجا ڕێزانۆک و ل سەڕ داخازا خودێ ژێ رازی ئدریسێ هەردەم ساخ چەندین جاران من جورێن چەک و تەقەمەنی و دەڤەر دەستنیشانکرینە بۆ رویبرووبوون و خۆ پاراستنێ ل هێرشێن رژێما وی سەردەمی یا ئێراقێ و ل سەر داخازا ئدریس بارزانی بۆ میحوەرێ بادینان هاتمە هنارتن بۆ پەیدا کرنا زەمینەیەکا سەربازی دگەل ئەفسەرێن وی دەمی یێن دناڤا شورەشێدا یێن ل گەل ئەسعەد خوشەڤی ل لەشکرێ ئێک کۆ د وی دەمیدا چەندین هێز هەبوون ل بادینان کۆ هێزا زاخۆ ب سەڕپەڕشتییا عیسا سۆاری و ل ئامێدیێ ژی سەلیم ئەسعەد و هێزا ئاکرێ و شێخان حسو میرخان و دهوک و سێمێل ژی ژلایێ عەلی خوشەڤی ڤە دهاتنە ب ڕێڤەبڕن کۆ هەمی هێزێن بادینان ژی ل وی دەمی ب هەڤڕا د گرێداێی بوون و فەڕماندە ئەسعەد خۆشەڤی سەڕپرشتییا وان هەمی هێزان دکر و ئەز ل گەل فەرماندەیێ بادینان وەک هاریکاڕ ل هێزا ئامێدیێ و پاشان وەک هاریکاڕ ل لەشکرێ سەربازی دەست ب کار بووم و من بەژداری دگەلەک شەڕ و داستاناندا کریە و گۆت ل سالا ١٩٧٤ پشتی کۆ رژێما وی سەردەمی یا ئێراقێ دەست ب شەری کری وان دوو جاران کەلیا شەدا و کەلیا فیرعەونی ل هنداڤی باژێرێ دهوکێ گرتینە و دبێژیت من چەندین جاران پشتی گرتنا چەپەڕ و سەنگەرێن سەربازێن ئێراقێ ب رێکا هێلا پەیوەندێیا بێ تێل ل گەل فەرماندە و ئەفسەرێن رژێمێ ئاخڤتیە و من نەهێلایە ئەو راستێیا بابەتی بزانن هەتا کۆ پێشمەرگە چەک و تەقەمەنی و ئازوقەی ڤەگوهێزیت و ب سەلامەتی بگەهنە جهێ مەبەست من زانیاری نەداینە وان ل گڕتنا سەنگەرێن وان ژلایێ پێشمەرگەیڤە هەتا کۆ پشت راست دبووم ل هەڕ لڤینەکا سەربازی یێن رژێمێ و پاشان دا بێژمە وان بریندارێن وە د سەنگەراندانە و یێن ڕەڤی ژی دێ نوکە گەهنە وە و دراستیدا مە ڕەفتارەکا مروڤایەتی ل گەل ئخسیر و دیلان دکر چونکە بارزانی نەمر رێک ب کەسێ نەددا کۆ ب چێ رەنگەکی سەرەدەرێیا خراب ل گەل وان گرتیان هاتبانە کرن و هەر کەسێ بەروڤاژی وێ چەندێ لڤین کڕبان دا تووشی لێپرسینێ بیتن و ب جوانی رەفتار ل گەل ئخسیران دهاتە کرن و زێدەتر گۆت کۆ ئێک ژوان ئخسیرێن ژلایێ وانڤە هاتیە گرتن داخازا ل من کڕ کۆ خۆ ب کۆژیت یان ب چەکێ من بهێتە کوشتن و من گوت بۆ چی ؟ گوت هەتا دیماهی فیشەک من شەڕ ل دژی وەکریە و هوین ب ڤی شێوەی و ب رێز ڤە پێشوازی و رەفتارێ ل گەل مە دکەن ژ بەر جوانیا هەلسوکەڤتێن پێشمەرگەی لبن روناهێیا فەرمانا بارزانی نەمر ئەو ئەفسەر پشتی هاتیە بەڕدان رازی نەبوو بۆناڤ رێزێن سوپایێ ئێراقێ بزڤریتەڤە و جودا ژ ڤێ ل میحوەرێ رانیێ ژمارەکا زور یا سەربازێن ئێراقێ ژلایێ پێشمەرگەی ڤە هاتنە گرتن بەلێ جەنابێ سەرۆک مەسعود بارزانی داخاز کر کۆ پشتی دانا خارن و ڤەخارنێ ب گرتیان وان ڤاڤێرن و یێن نێزیکی سنور و دەڤەرێن

هەڤ ل ئوتومبێلێن جودا یێن باڕهەلگر کۆ د  خوبەخشی بوون ژلایێ خەلکی ڤە هاتبوونە دابینکرن سیار بکەن و بۆ دەڤەرێن وان بزڤڕینن بێ کۆ کەس ژێ وان بهێتە ئەشکەنجەدان و گۆت کۆ ل بیرا وی مایە کۆ دەما دا هێنە ئازاد کرن دگوتن دراستیدا ئەم هاتبووینە راهێنانکرن کۆ زاروکێن وەیێن دناڤا لاندکاندا ژی دوپشک و مارن بەلێ ئەم شەرمزارین و  نەفرین و تفان ل خۆ و قیادەیا خۆ دبارینین ژبەر ڤێ رەفتار و هەلسوکەفتێن وە یێن جوان و مروڤایەتی کۆ چێ جاران مە گوهلێنەبوویە

زێباری ئەڤ هەمی رێز و تەقدیرا پێشمەرگەی بۆ وێ چەندێ ڤەگەراند کۆ مالباتا بارزانی ژ سەردەمێ شێخ عەبدول سەلام بارزانی و شێخ ئەحمەد بارزانی خودانن بارزان خودانێ کەلتورێ رێز گرتن ل مروڤایەتییێ و ژینگە و گیانداران بووینە و بارزانی نەمر ژی کەسایەتیەکا مەزن و کارێزما هەبوو و ل گەل پێشمەرگەی هەمان خارن و ڤەخارن دخار و هەر هەمان جل و بەرگ دپووشی کۆ زور جاران جلێن جەنابێ وی ژ یێن پێشمەرگەیان زێدەتر کەڤن دبوون و تێک د چوون

پێشمەرگەیێ دێرین بابەکر زێباری  بەحسی چەوانیا پەیوەندیکرنێ دناڤ رێزێن شورەشێدا کر و گوت د وی دەمیدا هەر کەسێ پەیوەندی ب ناڤ رێزێن شورەشێ دکر ژ دل پەیوەندی دکر نە ئارمانجا وی پلە و پوست و سامان بوو بەلکۆ بۆ قوربانیکرنێ و بەرەڤانیکرنێ ل نەتەوە و نیشتیمانێ خۆب ئیرادە و مورالەکا پولاێین بەژداری د شورەشێدا دکر و هەمی ژی گوهردارێن فەرمانن بارزانی نەمر و قیادێ بوون و هەر دەما دهاتە راگەهاندن کۆ شورەشێ پێتڤی ب پێشمەرگەیان هەیە ل سنورێ  هەر دەڤەرەکا دویر ل دەست ولاتییان بلەز ئامادەکاری دکر بۆ چوون بۆ ناڤ رێزێن شورەشێ دا درەنگ نەکەڤن بێ کۆ هزر ل دویریا رێک و نەخوشێیا دەڤەر و دژوارێیا شەری ل گەل رژێمێ و دویر کەڤتنا ب سالان ل خێزان و زاروکێن خۆ بکەن و ئەڤ چەندە ژی بۆ هێڤێنێ برایەتییێ دناڤبەرا دەڤەر و دەڤۆک و زمان و پێکهات و نەتەوە وئاییناندا ژێ هەر باژێر و باژەروک و گۆندەکی بێ جاوازێیا دناڤبەرا بادینان و سوراندا و ل تەڤ ئایینان ژێ مەسیحی و زەردەشتی و مسلمان و ئێزدی و کاکەئیان و نەتەوەیێن دی یێن جودا تەڤلی کاروانێ شورەشێ بوون و گوت د سەردەمێ شاخ و شورەشێ و بەرخودانا پێشمەرگەی مە وەک پێشمەرگە و سەرکردایەتییا پارتی خزمەت و هاریکارێیا گەلەک ژێ ئالییێن جودا ژێ پارتێن سیاسی یێن کوردی کریە مینا پارت و کەسایەتییێن ئەرەب بەلێ ب مخابنیڤە پرانییا وان پشتی کۆ د قوناغا پشتی روخیانا رژێما بەعس دەستهەلات وەرگرتی ئەو وەفا بۆ گەلێ کوردستانێ نەبوو ژوانا ژی نوری مالکی کۆ د پرانییا جاران ل دژی کیانێ هەرێمێ و خەلکێ کوردستانێ و پێشمەرگەی بریار و هەلسوکەفتان دکەت و هەرچەندە هندەک ژ وان سەڕکردەیان هەلویستێن جودا هەنە ژێ یێن دی بەرامبەر ب هەرێمێ بەلێ ب گشتی رەفتارا وان ل گەل هەرێمێ و مافێن کوردستانییان یا توند و دژە

لدورهێز و شیانن پێشمەرگەی د ڤێ قوناغێدا گۆت دراستیدا دەما کۆ ئەز ل بەغدا من ترس ل هێرشێن تیرورستێن داعش ب سەر هەرێمێ و پێشمەرگەی هەبوو ژبەر کۆ من هزر دکر کۆ پێشمەرگەیێ مە یێ گەنجە و خودان سەربوور نینە و وان چەکێن گران بەر دەست نینە بەلێ د هەمبەردا داعش ژبەر دەست دانین ل سەر چەکێن سەربازێن ئێراقێ ل مویسل و دەڤەرێن دی کۆ هەمی جورێن چەک و ئالاڤێن سەربازی ل گەل بوون و جودا ژێ ڤێ تێروانینن جودا هەبوون و ب ئایدولوژیەکا توندڕەو هاتبوونە پێڤاژویێ و ژلایێ هندەک کەس و رێکخراوان هاتبوونە پەروەردەکرن و ئامادەکرن بۆ خۆ پەقاندنێ و مهڤان بوون ل جەم پێغەمبەرێ مە مەحەمەد سلاڤێن خۆدێ ل سەر بن بەلێ پێشمەرگەیێ مە یێ گەنج ئەفسانەیا داعش شکاند و بۆ من بۆ جهێ دلخوشییێ کۆ شیان بەرەڤانییێ ل ولات و سەرکەڤتنێ ب سەر ڤێ رێکخراوا تیرورستی تومار کەن و دڤێ قوناغێدا ژی من باوەریەکا مەزن و تەمام ب هێزا پێشمەرگەی هەیە و مینا شوڕەکێ ب هێز هاتیە چێکرن و ل ناڤبەرا مە و ئێراقێ ژێ سنورێ ئێران هەتا سووریا ب ئالاڤ و ئامرازێن سەربازی یێن بەرەڤانیکرنێ هاتیە ئامادەکرن و تێکشکاندن و تێکدانا وێ ب هیچ رەنگەکی نینە  و گوت دنوکەدا لدیڤ وی بەرنامێ ل گەل هەڤپەیمانان هاتیە دانان چواڕ فرقە هاتینە چێکرن بۆ پێشمەرگەی و هەمی ئالاڤێن سەربازی ژی بو هاتینە دابینکرن و کار لسەر ئاڤاهییێن وان ژی د قوناغێن دیماهییێدایە و کار لسەر ٧ فرقەیێن دی ژی تێتە کرن و دوو ژوان کۆ ئێک ل سپیلکە و یا دی ل دهۆک ب دیماهیک هاتییە و ب گشتی ل دیماهییا سالا ٢٠٢٦ دێ هەمی هێزێن پێشمەرگەی ب ئێکەیا ٧٠ و ٨٠ کەڤنە دبن دەستهەلاتا وەزارەتا پێشمەرگەی و دێ ئێک مووچە و ئێک بریار بۆ ڤان هێزان هەبیتن و لدور پرسا دناڤبەرا پەکەکێ و تورکیادا گۆت هەر چەندە کۆ هندەک جاران ئاریشە رووددەن ل گەل پەکەکێ و ب ناچاری پێشمەرگە ب کارەکێ زێدە رادبیتن و هەبوونا وان ژی بوویە ئەگەر و بەهانە بۆ هاتنا تورکیا بۆ ناڤ ئاخا کوردستانێ بەلێ ئەز پێشبینی دکەم کۆ ئەڤ ئاریشە چارەسەرببیتن چونکە نێزیکی ٤١ سالانە شەڕ دناڤبەرا پەکەکێ و حکۆمەتا تورکیادا هەیە و هەردوو ئالییان چێ مفا ل ڤی شەری نەدیتییە لەو گرنگە ب رێکا پەرلەمانی چارەسەریا پرسێن خۆ بکەن چونکە ژمارا کوردان ل باکوورێ کوردستانێ زورە دێ باندور و کارتێکرن ل سەر بریاران هەبیتن 

بابەکڕ زێباری د پسیارەکا دی گوت  لدور پوستێ وی د نوکە دا گۆت ئەو بەرپرسێ ئوپراسیونانە ل قیادەیا ژورا عەمەلیاتان کۆ ئەو نێزیکی ١٣ کەسن کۆ هەر ئەرکێ ب وان بهێنە راسپاردن ژلایێ سەرۆک بارزانیڤە دیڤچوونێ بۆ دکەن ل هەر دەڤەڕەکا پێشمەرگە لێ هەبیت بۆ هەر بریار و دەستهەلات و پێتڤیەکا هەبیت لسەر هەر پوستەکی ئەرکێ خۆ ب جێ تینن .