پێشوازی ل دەستپێشخەریا نێچیرڤان بارزانی بکەن

بێواحسێن زیباری ، هەولێر

ئەگەر بەحس وەلاتێن جیهانی بکەین کۆ ئالۆزی و مەترسیەکا زۆر لسەرە و نەخاسمە رۆژهەلاتا ناڤەراست و تایبەت باس ئێراقێ و کوردستانێ بکەین ، ل ڤان سالێن داوی دا هێرشین مەزن و مەترسی لسەر هەبوویە لێ وان جهێن کۆ دنها دا وەک بەتال مانە و نەهاتنە پرکرن ب هەماهەنگیا هەردوو هێزێن پشمەرگە و سۆپایێ ئیراقێ ژی بوونە مەترسی و دەلیفە بۆ گروپێن تیرورستان و رۆژانە هیرشین نەدیار و ڤشارتی ل دەڤەرێن جودا جودا ئەنجامددەن .
ئەڤە دەمەکێدا یە کۆ هند لایەن و هزێن سیاسی ل دەڤەرێ داخاز دکەن کۆ هێزێن بیانی و هەڤپەیمانان دەرکەفن ل عیراقی و ئەڤە و دگەل نەبوونا پشتەڤان و هەماهەنگیا عیراق و کوردستانی لەوما ئەڤا هەنێ دبیتە سەدەمێ هندێ کۆ ئالۆزی و مەترسی لسەر ناوچێ هەبیت .
دیسان ژ روویی ئێمناهیێ و ئاسایشا وەلاتی ڤە دڤێت چ لایەنێن سیاسی و هەتا بگرە لسەر مللێن هەڤوەلاتیان ڤە ژی بیت دڤێت هەڤگرتی بن لسەر هەر روودان و پێشهاتین دهێن لسەر وەلاتی جونکی وەلات و نەتەوە پێشیا هەر تشتەکێ و گرنگیا خۆ هەیە و دڤێت جڤاکەکێ ئەکادیمی و ساخلەم بهێتە ئاڤاکرن و ئەگەر ئەڤ جڤاکە یێ ساخلەمبیت بێگومان دێ هەر ئەو کەسن یێن کۆ ببن رێڤەبەر و کار بەدستێن وەلاتی ل وی دەمی دا ژی ئەڤ ولاتە ژی یێ پێشکەفتی و ساخلەم و خۆ راگر بیت .
لەوما یا گرنک و فەرە کۆ ئەو گوتار و راگەهاندنا سەرۆک نێچیرڤان بارزانی ب گرنگ بهێتە بەرچاڤکرن نەک تنێ خاندنەک بیت و بۆریت لێ دڤێت راوەستیانەک بۆ هەبیت و خاندنەک بۆ بهێتە کرن و ب گرنگ بزانن جونکی ئەڤ روودان و پێشهاتێن ڤان چەند رۆژێن بۆری یین جودا جودا بوونە دەلیفەک و مەترسی لسەر روویی سنۆرین کوردستان و عیراقێ بەلی هەردەما هەڤگرتی و هەماهەنگیەکا دەستووری و یاسایی هەبیت لناڤبەرا لایەنێن سیاسی ئەڤ گروپە ناکرن و دەستهەلات نیە دەستکاریی ب سنۆر و کەس و کارێن دەڤەرێ بکەن و هێرشین ب ڤان جۆرانە ئەنجامبدن .
ئەڤا هەنێ ژی راگەهاندنا نێچیرڤان بارزانی یە .
“نیچیرڤان بارزانی، سەرۆکێ ھەرێما کوردستانێ دەربارەی زنجیرا ھێرشین تیرۆرستێن داعشێ لسەر ھێزێن ئەمنی ێن ھژمارەکا پارێزگەھان، راگەھاند: زەنگەکا مەترسیا جیدی یە.
ھەر د وێ راگەھاندنێ دا سەرۆکێ ھەرێمێ گۆت: ب ھێزبوونا داعشێ، ھێرشەکا راستەقینەیە ل سەر ئاسایش وسەقامگیریا سەرانسەری عێراقێ دکەت، کو پێتڤی یە ب جدی ھەلویست بەرامبەر ھەبیت.
ھەروەسا ئاماژە ب ڤێ چەندێ ژی دا، و گۆت: بۆ بەرھنگاربوونا وان ھێرشا، پێتڤی یە ھاریکاری وھەماھەنگیەکا کاراتر د ناڤبەرا سوپا وپێشمەرگە ودەزگەھێن ئەمنی یێن عێراق وکوردستانێ دا ھەبیت، هه‌روەسا پێتڤیە پشتگيريا ھەڤپەیمانێن نیڤدەولەتی ‏دژى داعش بۆ عێراقێ و هه‌رێما كوردستانێ به‌رده‌وام بیت”