پێشەنگێ سترانا کوردی تەحسین تاها

شەریف ئامێدی

ھونەرمەندێ کورد پەروەر تەحسین تاھا دیــاردەکــا ھــونــەری یـــا پـــڕ بـــوھــا سـتـرانـێن وی دەنگ ڤەدان لھەمی جھـا خودانێ سویندا مەزن ، سەرکێشێ سترانا کوردیا ھەفچەرخ لدەڤەرا بەھدینا و ئەز دشێم بێژم لھەر چوار پارچێن کوردستانێ( تەحسین تاھا ) .

تەحسین تاھا : بدیمەنێن بالکێش و سروشتێ جوانێ کوردستانێ داخباردبیت مینا جوم و جەلال و کانی و رویبار ، سیلاڤێن ئاڤێ ، زوزانێت بەرێ سیلێ ، زوم و فەڕاشین و بێری و شڤان ، دەنگێ پۆڕێ ، قەبقەبا کەوێ ڕوباد ، دارڤانی و پارزینک و خالخالوک و دستار وخەون و گەلەکێن دی کارتێکرنێ لھەستێن وی یێن نازک دکەن و دبنە ھوکار تەحسینێ ھونەرمەند لخو عاشق بکەن و بخوڤە گرێدەن بکەنە شەیدا ودەروێشێ ئاخا ڤی وەڵاتی و ڤی سروشتێ جوانێ کوردستانێ .
ئەوژی پەسنا ڤان دیمەنا بدەنگێ خو یێ زەلال ڤەدلورینیت و دکەتە ناڤ و ھێما بو سترانێن خو ، لبن پەردێن ڤەشارتی .

گوھدار و حەژێکەرێن دەنگێ وی دمەرەما ڕاستەقینە یا سترانێن وی یێن پەردەپوشکری بتاما دلداری و جڤاکی و دلینی دگەھن و گەلەک پێ دلخوش و بەختەوەر دبن و ناڤ دەنگیا وی زوی بەڵاڤ دبیت و جەماوەرەکێ زور لدور خرڤەدبیت
ھیڤیێن مەزن ددلێ کوڕێن مللەتیدا گەش دبن , ورەیا پێشمەرگێن قارەمان و چاف نەترس بەرز و بلند دبن . ئەگەر بێین و بەراوردیەکێ دناڤبەرا سترانێت تەحسین تاھای و سترانێت سترانبێژێت ڤی سەردەمی دا بکەین دیراتیەکا مەزن و بیاڤەکێ بەرفرەھـ دناڤبەرا واندا دێ بینین . سترانێن تەحسینی ھەستێ نەتەویی لدەف گەنج و لاوێن وەڵاتی بلندکر ناڤێ کوردستانێ شرینتر لێ دکر ، مروڤی ھەر دڤیا گوھداریا سترانێت وی بکەت . بەروڤاژی سترانێت ڤی سەردەمی ھەستێ نەتەوی بئێک جار لدەف مروڤی ناھێلن ، ھندەک ستران لھندەک کەنالا دھێنە پەخشکرن باوەرکەن مروڤ ھەر شەرم دکەت گوھێ خو بدەتێ یان بەرێ خو بدەتێ ، دیارە ھەکو چ لیژنێت چاڤدێریێ نە بن ئازادی بەراللە بیت ئھا دێ ھوسا بیت . ئەز ئێکبوم ژمرید و شەیدایێن دەنگێ تەحسین تاھای و نوکەژی ئەز ھەر ئەو مریدێ جارامە دماوێ گوھدانا مندا بو سترانێت تەحسینی من کوردستان نیاسی و ھەستێ نەتەوی لدف من گەلەک و گەلەک بلندتر و بھێزتر لێ دھات ناڤێ وەڵاتی کوردستانا دەلال لدەف من خوشتر و شرینتر لێ دھات . بکورتی و کوردی دێ بێژم تەحسین تاھا دیاردەکا مەزنا ھونەرێ کوردی یێ ڕەسەن بو دوبارە نابیتەڤە . ئەفجا دا ئەم ھەمی پێکڤە زێدەبار لایەنێن پەیوەندیدار و بەرپرس و سازیێن ڕۆشەنبیری و ھونەری و کەسێن پێ چێبوی و دەولەمەند خو لسالڤەگەرا ڤی ھونەرمەندێ مەزن و بلیمەت بکەینە خودان ، ڤێ بیرەوەریێ بڕەنگەکێ شایستە ھەر سال ساخکەینەڤە ھەژی ھونەر و خەبات و قوربانی دانا ڤی ھونەرمەندێ ژدل و گیان حەز ژکورد و کوردستانێ کری ڤێ یادێ بو ساخکەینەڤە ، سویندا وی لعەردی نەدەین خوزیا وی یا ھەرە مەزن بو ڤیان و ئێکبونا مللەتی وەکو دوماھی سترانا خودا دبێژیت: گەلۆ یـا ھەی ئـەو ڤیانا مە دڤێتن

گەلۆ یا ھەی ئەو ئێکبونا مە دڤێتن
خەتیرەکە دسینگێ زاڕوکا دھەلێتنیادا وی بخێربیت ، گیانێ وی لبحەشتێ شاد و ئارام بیت .