ھشیار شکاک خورشید
لە دۆنیای سیاسی وایە دەکرێت لە دەسەلات بی یان ئۆپۆسیۆن بی یان بەرەی دژ بی یان رەختەگر بی…. بەرامبەر ئەو ھێز و دەسەلاتەی کە ولات بەرێوەدەبات ، تەنانەت دەکرێت لە سیاسەتکردن ناتەبابن و پلان و بەرنامە و رێچکە و لە دوو بەرەی جیاواز بن ، بەلام ناکرێت لە ئاست ھەرەشە و ھێرشی دەرەکی بۆ سەر ولات دژ و ناتەبا و دوو لەت بن ، ئەوەی کە تاوەکۆ ئێستا ئوکرانیای ھێشتووتەوە یەک دەنگی و یەک رێزیی و تەبایی ئەحزابەکانی ئۆکرانیایە بەرامبەر ھێرشەکانی رووسیا ، ھەموو چین و توێژەکانی ئۆکرانیا ئامادەن خۆیان قوربانی خاکی و ولات بکەن بێ ئەوەی بیر لە حزبایەتی و ئۆپۆسیۆن و دژە دەسەلات بکەنەوە ، تەنانەت ھونەرمەند و شاجوان و وەرزشوانەکانی ئۆکرانیا بە ھۆی خۆشەویستی بۆ ولات چەکی بەرگریان ھەڵگرتووە بەرامبەر رووسیا ، کەچی لە شازدەی ئوکتۆبەری ھەرێمی کوردستان حزبێک کە لە تەواوی دەسەلاتەکانی کوردستاندا وجودیان ھەبوو لە ماوەی چەند کاتژمێرێکدا نیوەی خاک و ولاتیان بە دۆژمن فرۆشت ، بێ ئەوەی ھەست بە بەرپرسیاریەتی بکەن ، بێ ئەوەی بریار و خواستی ھاولاتیان لە بەرچاو بگرن ، بێ ئەوەی یەک رۆژ ئارەقی ماندووبوون بۆ ئەم کوردستانە رشتبێت ، وەک ئەو پارەیەی لە بەرەباب بۆ کۆر بە جێ بمێنێ ماندوو بوونی پێوەی نەبردبێت دواتر بە شتە ھیچەکان سەرفی بکات کەچی ھەر بە خەیاڵیشی نەیێت ، ھەرچی ئۆپۆسیۆن و ئیسلامی و بێ دەسەلات لە ھەرێمی کوردستان ھەن بۆ یەک دەقەش سەردانی بەرەکانی جەنگیان نەکرد و چەکیان ھەڵ نەگرت بۆ پاراستنی خاکی ھەرێمی کوردستان ، کەچی بە ھەموویان بە ئەوانەشی کە پێیەکیان لە دەسەلات و پێیەکەیتریان لە دەرەوەی دەسەلاتە سەرجەم راگەیاند و تیڤی و شاشە و پەیچەکانیان دژی پارتی خستە کار تاوەکۆ شکست بە پارتی بێنن ، تەواوی ھەرێمی کوردستان رادەستی دۆژمن بکەن ، جا یەکێک گۆتی ھەولێریان گرت ، یەکێکی تر گۆتیان سەری بڵندیان چۆڵ کرد ، ئەوی تر گۆت سەرکردەکانی پارتی بۆ تورکیا رایان کرد ، خۆفرۆشانە بیریشیان لەو خەبات و قوربانیدانە و شۆرەشانە نەکردەوە کە گەڵی کورد بۆ دروست بوونی ئەم رۆژانە ئەنجامیاندا ، واتە گیانی حزبایەتی و پارە و پۆست زاڵ بوو بە سەر پیرۆزی خاک و نیشتیمان .
Comments are closed, but trackbacks and pingbacks are open.