بهایێ پەتڕۆلێ داکەتنەکا بەرچاڤ بخۆڤەدیت و ب ٧٧ دۆلاران بازار پێ هاتە کرن و ئەڤە ئێکەم جارە د دوو مەهێن بەریا نهادا ب ڤی رەنگێ بهایێ پەتڕۆلێ نزم دبیت.
ئەڤرۆ ئەینی، رۆپەلێ روسیا تودەی بەلاڤکر، سەدەمێ داکەتنا بهایێ پەتڕۆلێ گرێدایە ب وان مەترسیێن لسەر کەرتێ ئابوریێن جیهانێ هەی و ب سەدەمێ سەرهلدانا زنجیرا نوی یا ڤایرۆسێ کۆرۆنایێ ل باشورێ ئەفریقیا دەرکەفتی.
لدویف رۆپەلێ oilpriceیێ تایبەت ب بهایێ پەتڕۆلێ ل بازارێن جیهانێ د نهادا ئێک بەرمیلا پەتڕۆلا برێنت ب ٧٧ دۆلار و ٥٣ سەنتارن بازار پێ دهێتە کرن، بڤێیەکێ ژی بهەڤبەرکرن دگەل سپێدەهیا ئەڤرۆ دوو دۆلار و ٨٣ سەنت ژ بهایی کێمبووینە.
ئەڤە ددەمەکیدایە، ژ ٤ی تشرینا ئێکێ وەرە ئێکەمجار بها ب ڤی رەنگی نزمدبیت، بەریا نها ل مەها کانونا دووێ یا ئەفسالە بهایێ پەتڕۆلێ بڕێژەیا ٢.٩٥% داکەت و ئێک بەرمیل ب ٧٨ دۆلار و ٨٤ سەنتان بازار پێ هاتە کرن.
داکەتنا بهایێ پەتڕۆلێ ددەمەکیدایە، کو لدویف پێشبینیان د ئەڤسالەدا بهەڤبەرکرن دگەل سالا دەربازبووی، دێ خاست لسەر پەتڕۆلێ زێدەبیت و بۆ ٩٦ ملیۆن و ٤٠٠ هزار بەرمیلان د رۆژەکێدا دێ بلندبیت.
Comments are closed, but trackbacks and pingbacks are open.