پەرلەمانتارەکا پارتی ل پەرلەمانێ کوردستانێ دیار کر، دەم بۆ ئەنجامدانا ھەلبژارتنان نەمایە، بەلێ بڕیارە دووماھییا ڤێ ھەیڤێ دووماھی بڕیار لسەر چارەنڤیسێ ھەلبژارتنێن ھەرێما کوردستانێ بھێتەدان.
خەدیجە عومەر، پەرلەمانتارا پارتی ل پەرلەمانێ کوردستانێ دیارکر” رێککەفتن ھاتییە کرن دناڤبەرا فڕاکسیۆنێن پەرلەمانی بابەتێ ھەلبژارتنان و کاراکرنا کۆمسیۆنێ نەھێتە بەحسکرن ل پەرلەمانی، ھەتا لایەنێن سیاسی دگەھنە رێککەفتنێ، واتە پەرلەمان چاڤەڕێی رێککەفتنا لایەنێن سیاسی دکەت بۆ رێڤەچوونا ھەلبژارتنێن ھەرێما کوردستانێ و کاراکرنا کۆمسیۆنێ.
ناڤهاتییێ گۆت ژی” بدیتنا من دەمێ پێدڤی لبەردەست نەمایە بۆ برێڤەچوونا پرۆسا ھەلبژارتنان ل ١ی ھەیڤا ئۆکتبەرا ئەڤ سالە، بەلێ دووماھی بڕیار ژلایێ لایەنێن سیاسی دێ ھێتەدان.
خەدیجە عومەر ئاشکرا کر ژی” ل سەرۆکاتییا ھەرێما کوردستانێ سکرتاریەتەک ھاتییە پێکئینان و نوونەرێن لایەنێن سیاسی تێدا هەنە بۆ بەرھەڤکرنا راپۆرتەکێ لدۆر پرسا ھەلبژارتنان، بڕیارە ھەتا دووماھییا ڤێ ھەیڤێ بڕیار لدۆر چارەنڤیسێ ھەلبژارتنێن ئەڤ سالە بھێتەدان.
Comments are closed, but trackbacks and pingbacks are open.