ل په‌رله‌مانێ ترکیێ د ناڤبەرا سوله‌یمان سویلۆ وەزیرێ ناڤخوە یێ تركیێ و په‌رله‌مانتاران دا شه‌ر و ئالۆزی چێبوو.
ل شه‌ڤا ده‌رباسبوویی، ل په‌رله‌مانێ ترکیێ گۆتووبێژ ل سەر بودجەیا 2022ێ به‌رده‌وام بوون و ژبلی رەوشا ئابووری دانوستاندنێن توند ل سەر رەوشا سیاسی ژی چێبوون.
دەما کو په‌رله‌مانتارێ پارتییا گه‌ل یا کۆماری «ئۆزگور ئۆزەل» گۆتییه وه‌زیرێ ناڤخوه كو ئه‌و ب بوویەرەکا کلینیکی یا شیزۆفرەنی ڤه مژوول دبن، ل سەر ڤان گۆتنان سولەیمان سۆیلو هێرشی وی په‌رله‌مانتاری کر و د ناڤبەرا په‌رله‌مانتارێن ئاكه‌پێ و جه‌هه‌پێ دا شەر دەرکەت و هێرشی هەڤ کرن.
ژ رۆژا دەستپێکرنا گۆتووبێژێن ل سەر بودجەیێ ل په‌رله‌مانێ ترکیێ، بەردەوام د ناڤبەرا ئالیێن حکوومەت و ئۆپۆزسیۆنێ دا ئالۆزی دەردکەڤن.
ئەڤ د دەمەکێ دەیە کو وەزیرێ ناڤخوەیێ ترکیێ دوهـی ل په‌رله‌مانی گەف ل وەکیلا فراکسیۆنا پارتییا دەمۆکراتیکا گەلان هه‌ده‌پێ مەرال دانش بەشتاش كرن و هەروه‌ها ئالۆزی د ناڤبەرا په‌رله‌مانتارێن ئاكه‌پێ و مه‌هه‌پێ ژی دا دەرکەت.
مەرال دانش بەشتاش، د ئاخافتنا خوە یا ل سەر بودجەیا 2022ێ دا رەخنە ل ئاکه‌پێ و «سیستەما قەیووم و گەندەلییا وان» گرتبوو.
پشتی ئاخافتنا بەشتاش، سۆیلو تلییا خوە بەر ب وێ ڤە درێژ کر و گۆت: «هوون دێ ئێڤاری بینن، هوون دێ سەرێ خوە بتەوینن و دەرکەڤن».
په‌رله‌مانتارێ هه‌ده‌پێ نه‌سره‌ددین ماچن ژی ژ بەر گۆتنا خوە یا «ژ کوردستانێ را ئازادی» ب دوورخستنێ ژ سێ جڤینێن گشتی یێن په‌رله‌مانێ ترکیێ هات جەزا کرن.
Comments are closed, but trackbacks and pingbacks are open.