بێوارحسێن زێباری،هەولێر:
د بەردەوامیا فێرکرن و پەروەردەکرنێ دا دڤێت ئێکەم تشر و فاکتەرێ سەرەکی دەیبابێن وانن و لسەر وانا پێدڤییە ژی ئەڤێ چەندێ بەرچاڤ وەربگرن، دیسان ئەو ئەگەر پلانێن گرنگ ل سەر بنەمایێ پەروەردەکرنا وانا زۆر ب گرنگ بهێنە زانین بۆ هندێ دا ئەڤ زارۆکە بۆ هەر ئەگەر کارەکێ یێ بەرهەڤکری بیت، بێگومان هەردەما مرۆڤ ب بەرنامە وپلان کارەکێ بکەت یان ئەنجامدەت، کەواتە ل وی دەمیدا ئەو کارە ب باشی و سەرکەفتیانە دهێتە قەلەم دان و نوکە ژی دەواما واما تەمامبووی و وەرزێ بێهمڤەدانییە و دڤێت سەرەدەرییەکا ڕاست و دروست و توکمەن دگەل وانا بهێـــــتە کرنێ.
نوکە ژی دگەل هاتنا وەرزێ نوی یێ سالا خاندنێ گەهیتێ دڤێت ئەڤ کار و بەرنامەک توکمەن بهێتە دانان بۆ هندێ ل پاشەڕۆژا وی زارۆکی یا گەش و ڕوون بیت و ببیتە کەسەکێ ساخلەم .
ئەڤە ژی دڤێت وەکی مە گوتی بەڕنامەک بهێتە دانان ئەو ژی ل گورەی هند پێنگاڤان بەحس بکەین ژ وانا ژی کو :
١.ئێکەم جار، بەری ئەڤ زارۆکە قەستا قوتابخانێ بکەت هەر ل ڕۆژا ئێکێ و هەتا داوی هاتنا پڕۆسەسا خاندنێ ، ب پێنگاڤ پێنگاڤ دگەل زارۆکێ خۆ دابیت و ئەگەر نە دێ پاش ئەنجامێن خرابتر ل دۆر خۆ هێلیت .
ئەو ژی لدەستپێکێ دڤێت ڕێنمایێن گشتی ل سەر چوون و قوتابخانێ و زڤرینەڤە ژی ب دروستی بگەهینیە مێشکی زارۆکی دا ب هەموو ڕوویەکێ ڤە زانیاری ل سەر هەبن چ چوونا وی، چونکی دبیت ڕێکی دا دەهان ئاریشە بێن پێشیا وی چ ڕوویێ باشی یان خرابی بێت لەوما دڤێت ئاگەهدار بکەی دا بکاریت سەرەدەرییەکا ڕاست و دروست بکەت دگەل وان کاودانێن کەڤنە بەریا وی .
دیسان ل گوڕەی وان ڕێنمایێن قوتابخانێ ژی ، دڤێت هند وان تشتا دەیباب بزانیت یان سەرەدانا قوتابخانێ و کارگیریا وێ بکەت بۆ وەرگرتنا هند ڕێنمایێن سەرەکی و ڕووم و ئاشکرا دا دگەل مامۆستا یێن وان پێکڤە هاریکار بن بۆ هندێ بکارن ئەو قوتابییە سەرەدەرییەکا ڕوون و باش دگەل گوڕەپانا خاندنێ و پۆل و جهێن دەست ئاڤ و برادەرێن خۆ و دگەل کەل و پەلێن گشتی یێن خاندنێ بکەت بۆ هندێ دوویر ژ هەر ڕەفتارەکا نەجوان و نەشرین .
خالا دیتر ئەو ژی ئەوە کو دڤیت وەکی خالا ئێکێی مە ئاماژە دایی هندێ کو بزانین چوون و قوتابخانە و زڤرین بزانیت وان ڕێنمایان لێرە دا وەکی چوونێ بۆ قوتابخانێ دڤیت بزانیت چەوا و ب چ ڕێ بگەڕێتەڤە بۆ مال، چونکی دبیت لێرە ئەو زاروکە نەزڤریتە مال بەرهندێ دڤێت بهێتە ئاگەهدار کرن، ل سەر چوونا وی بۆ مال و بێ گیروو بوون .
٢.پەیوەندیا مامۆستا و سەمیانێن قوتابیان گرنگە ، ئەگەر بەحس ڤێ پەیوەندیێ بکەین دێ بینن کۆ ئەڤە تەمامکەرێن هەڤدوو نە و دڤێت ب هەڤرا ژی کار ل سەر وێ پەیوەندی بکەن بۆ هندێ کۆ دۆژ ب ڕۆژ موکومتر لێبهیت نەک ببیتە لێکتڕازان .
ئەگەر ئەڤ پەیوەندیە ڕوول هەبیت ل وی دەمیدا دێ ئیکسەر ئەڤ ببیتە ئەگەرێ هندێ کۆ ئاستێ خاندنێ و ڕەوشت و کارو کریارێن وێ باشتر لیهێن و بیتە جهێ خاندنەک ئەکادیمی و زانستیانە ژی.
٣.ل گورەی هەبوونا مفاو زیانێن ئامرێن ئەلکترۆنی، لێرە دا دڤێت چ قوتابخانە یان ماڵا زاروکی ب هەڤرا هەڤکار بن لسەر بکارئینان و نەئینانا ئامێرێن ئەلکترۆنی و پێشکەفیی کۆ زیان و باشێن خۆ هەنە .
زیان ئەون ،کو دبن ئەگەرێ دەستدانا مێشک و هزرەکا پاشکەفتی و خرابیا ساخلەمیێ و گرنگی نەدانا خاندن و کار و کریارێن دیتر یێن جڤاکی .
باشی ژی ئەون کو دبیت کەسەک هەبیت ب باشی و زانین و بێ دەمێ زۆر و کارێن خراب بکاربینیت بۆ هندێ کو مفایەک زانستی بخۆ وەرگریت د ئەرکێ خۆ دا .
لەوما یا گرنگ و فەرە هەردوولا بزانن کەنگی و چەوانییا بکارئینن و نەکارئینان وان د دەمێدا خۆ دابیت و نەزیدەتر .
٤.خالەک دیتر ئەوە کو دڤێت سەمیانێن قوتابیان، بزانین کانێ برادەر و هەڤالێن زارۆکێ وی کێنە ل قوتابخانێ و تیکەلییا کی دکەت، چونکی ئەگەر نە دێ ئەو بن یین خراب و جگار کێش و کریارێن خراب ئەنجامدەن و هەتا دگەهیتە وی هندی کۆ دەست دانا خاندن و مال وژیانا خۆ گشتی لەوما دڤێت ماڵا وی زۆر هشیار بیت لسەر برادەرێن زارۆکێ خۆ .
هەڤالێ باش ژی دبیتە ئەگەرێ کەسەکێ ساخلەم و دروست بهێتە چیکرن .
لێ مە نەڤیت زێدەتر درێژ بکەین، بەلێ یا مە دڤێت ئەڤ جۆرە بابەتە ببن جهێ مفا وەرگرتنێ و ڕوول و پێگەهێ دەیبابێن زاروکان د بەرنامە و پلانەک توکمەن هەبیت د ئاڤا کرنا ژیانا زارۆکێ خو دا .
هەردەما ئەڤ یەکە هاتە کرنێ ئەوا ل وی دەمیدا دبیتە ئەگەرێ هندێ کو زارۆکەک ساخلەم بهێتە ئاڤاکرن و لسەر ئاستێ ئەکادیمی و پسپۆریێن شاروزا و لێهاتوو.
Comments are closed, but trackbacks and pingbacks are open.