شڤان غازی
ئەگەر بەرێ خو بدەینە مێژویا مللەتێ کوردستانێ ب سەدان سالانە چ جارا چ دوژمنەک نەشیایە مللەتێ مە بشکینیتن ئەگەر خاک فروش و خوفروشێت مە ڕێ خوشکەڕێت وان نەبن ، ئەڤێ چەندێ دێ ب چەندین خالا و ب بەلگە بو وە سەلمینم کو ئەڤ پارتا ب ناڤ کوردستانی ڕێ خوشکەرێ دوژمنێت مەیە ل هەر چار پارچێت کوردستانێ :-
خالا ئێکێ / ئەگەر ئێکەم کارێ ئەم هزر لێ بکەین ئاپو ئانکو عبدالله ئوجەلان کو دامەزرێنەرێ ڤێ پارتێ یە بو مللەتێ مە چکریە و بو دوژمنان چکریە دێ ب کورتی بێژم هزرا برنا کچ و کوڕێت خەلکی بخورتی وی ئینا دەرێ ئەڤ چەندە دژی مللەتێ مە بوویە و خەلکانەک بڤێ چەندێ لدەف مەژی گەهشتنە ڤێ پارتێ بەرخاترا هندێ دگوتن کچ و کور پێکڤەنە و ئازادن لێ د بنەرەت دا هەتا خەلکەک گەهشتیە وان دیار بو نە چ ئازادی هەیە و ئەو کچانە هەمی کربونە ئێخسیرێت بەرپرسێت خو قەدەغەبو کچ و کورەکی پەیوەندی ژی هەبیت دا هەردوکا کوژن دیسان ئەڤ سەرکردە ل جیهانێ هەمیێ ب ئازادی دگەریا هەتا تورکیا کار پێ نما گوتێ وەرە فلان جهی و دێ تە دەستەسەر کەین برینە خوشترین جزیرا وی وەلاتی ب ناڤ زیندانی کرینە لێ ئەو ئازادە و چ خوشیا دنیایێ دا هەیە ئەو دناڤ دایە و پەیاما وی ژی ل ئیمرالیێ ب دلێ وەلاتێ تورکیا بو بەرژەوەندیا وان بەلاڤ دکەت کو دگەل سیاسەتا وی وەلاتی بگونجیت بوچی تورکیا گەریلایەکی دکوژیتن کو هایش سیاسەتا وان نینە بوچی عبدالله ئوجەلان کریە رەبیتە مانە جهێ پرسیارێ یە ؟.
خالا دووێ / بوچی پەکەکێ ل سوریا ب ڕێکەفتن هندەک دەڤەر ژ حکومەتا وی وەلاتی وەرگرتینە نە ب شەر و خەبات و هەر دەمێ ئەو حکومەت بهێز بییەڤە دێ ب ڕێکەفتن وان دەڤەرا ژێ ستینیت و دیسان مینا خاکا مە چەند ژ خاکا سوریایێ دەڤەڕێن کوردستانی رادەستی وەلاتێ تورکیا کرینە.
خالا سێ یێ / پەکەکێ ل کوردستانا مە یا باشور شەرێ برا کوژیێ گەل مە کرن و ئەز ئێک ژوانم مالامە تالانکرن سێ تەرم ئێک ڕوژ هاتنە مالامە بێی چ ماف لسەر مە هەبن و سەرکردایەتیا کوردستانێ تایبەتی سەروک مەسعود بارزانی ژوان بوری و گوت بلا شەرێ برا کوژیێ حەرام بکەین .
خالا چارێ / پشتی ڤان هەمی ریدانان دیسان ئەف پارتە کەفتنە بەر مەترسیێ و تورکیا ئەو لسنورێ بەرتەنگ کرن دیسان سەرکردایەتیا کوردستانی ڕێک بو وان ڤەکرن و پێشمەرگە وان دەڤەرا ڤەکێشان و هاریکاریێن مادی و مەعنەوی و چەک و ئازوقە و کەل و پەل بو وان ب ئازادی دچوو هەتا گەهشتە وی رادەی پەیوەندیێت مە وەک هەرێم دگەل بەغدا و ئیرانێ و تورکیا تێک چوون گوتن هنگ تیرورستان دپارێزن ل خاکا خو.
خالا پێنجێ / وان بەرامبەر ڤان چاکیان چ دگەل مە کرن هاتنە وان هەمی دەڤەرێن کوردستانی ب ئازادی و گەهشتە وی رادەی خو نێزیک باژێر و باژەروکان دکرن و ل هەر دەڤەرەکا وان گرتی خەلک بێزار کرن بچنە دەڤەرێن خو ونەهێلان کەسەک بخو بچیت چنیکا خو چێکەت و گومرک لسەر خاکا مە ل خەلکێ مە دستاندن ژبلی هندێ هەر ڕوژ و وەلاتێ تورکیا گوندەک توپباران دکر.
خالا شەشێ / دناڤ ڤێ پارتێ دا هەمی میتن ئێکی باوەری ب ئێکی ناهێتن سەرکردێن وان ب ئازادی دهێن و دچن و میتا تورکا هەمی کرینە باوەرپێکریێت خو ئەو گەریلایێت هەژار یێن دلسوز کو چ ل سیاسەتێ نزانن ب دلەک ساف هاتینە خاپاندن ترومبێلێت وان دبنە ئامانجێت فروکێت تورکیا چونکی هەر ئەون وێ باجێ بو وان پێڤە دکەن دناڤ خودا.
خالا حەفتێ / باشە زور ژ خەلکێ مە چووینە وەلاتێ تورکیا و ئەو دەڤەڕێن کوردستانا باکور دیتی نە کا چەند ب زەحمەتن و رکن ئەگەر پەکەکە حەز بکەت جهێ خەباتا وان دیارە لێ ئێک گەریلا ل تورکیا نمایە هاتینە گەشتێ لسەر خاکا مە دبێژن ئەم خەباتێ دکەین باشە جهێ خەباتا وە دیارە دبێژن هندەک خالێت سەربازێن تورکیا ل وان دەڤەرا پێنج سەربازێت ل خالەکێ نە دەڤەرەک پێ گرتینە لسەرێ چیایەکی پەکەکێ ئامادە نینە فیشەکەکێ وان ڤەنیتن مانە هەمی مللەتێ مە دزانیت خەباتا پێشمەرگەی دگەل ڕژێما گوڕ ب گوڕ ل چیایێن کوردستانێ بو و هنگی هاتنە خارێ هەتا کوردستان ئازاد کرین .
خالا هەشتێ / باش هزر لێ بکەن پەکەکە ل سوریا تورکیا دئینتە خاکا کوردستانا پیروز یا ڕوژئاڤا ل کوردستانا مە یا باشور دیسان هوین ب چاڤێ خو دبینن و هاتینە سەر سنوڕێ ئیرانێ ژی ب هەمان شێواز ماوە ماوە ئیران یا دەڤەڕێت مە یێت سنوری بوردومان دکەت و خەلکێن وان دەڤەرا ئەو جهانە چولکرینە ب هەمی رەنگەکی یێ خاکا کوردستانا رادەستی دوژمنان دکەت و ژین و ژیارا خەلکێ مە تێک داینە .
خالا نەهێ / هوین دزانن چەوا هاریکاریێن مادی بو ڤێ پارتێ دهێن خەلکێ کورد ل دەرڤەی وەلاتی کرینە ڕێکخستیێن خو و ب زوری تاپویێ ل خەلکی دستینن ب ناڤێ ئازادکرنا کوردستانێ و ئێک فیشەک ژی ناهاڤێژن تنێ بخو خوشیێ پێ دبەن ل گەشتێنە ل چیایێن کوردستانا مە و هەر جهەکی لێ هەبن بینە مەترسی لسەر وی جهی دیسان زاروکان دزن و دخاپینن بو خو ئامادەکرن بو خوکوشتنێ و هەروەسا دبێژنە وان ئاکنجیێن باکورێ کوردستانێ فلان مال ئەگەر چکەکا وە نەهێت گەلمە یان باب یان برایێت وە دێ بەین دەمێ نەچار دکەن دگەهنە وان هەر ئێکی دبەنە جهەکی دویری کەس و کارێن وان وناهێلن پەیوەندیێ ب هیچ ڕەنگەکی ب کەس و کارێن خو بکەن هەر ئێکا پەیوەندیێ ژی بکەت سزایێ وێ کوشتنە .
خالا دەهێ / دیماهیک خال دەمێ کوبانێ کەفتە مەترسیێ پێشمەرگەهێ کوردستانا دناڤا جەرگێ دوژمنی ب فەرمانا سەروک مەسعود بارزانی گەهشتە وێڕێ و کوبانێ ڕزگارکر وئەرکێ خو بجهـ گەهاند و ئێکسەر زڤرینەڤە لێ دەمێ ل شنگالێ ب ناڤێ هندێ ئەو ب هەوارا مللەتێ مە هاتین بو هاریکاریێ بوونە داگیرکەر و بونە مەترسی لسەر مە و ئەو جهێن وان گرتین بونە مەترسی و خو دناڤ وان جهادان کرنە عیلەت و گوتن ئەم وان جهان نابەردەین و نوکە بونە نوکەڕێت حەشدا شعبی و مووچێ وان ل حکومەتا عیراقێ دهێت دیماهیێ ژی حکومەتا عیراقێ ئەو خاکا هەمی لدەست مەژی ئینا دەر و ئەوژی ڕیسوا کرن و کرنە د زیندانا ڤە.
هەژی بێژم ل ئێکی ئەیارێ وان بەرنامە دانابو هێرشی هەڕێما کوردستانێ بکەن لێ تورکیا ئوپەرسیونا خو پێش وان دەسپێکر نڤیسینا بابەتی
- دکاری هەموو بابەتێن خۆ ببینی ….
Comments are closed, but trackbacks and pingbacks are open.