پەیامەک ژ پارتی بۆ ئێکەتییێ
مەکتەبا سیاسی یا پارتی دیمۆکراتی کوردستان ل سالیا دا 46 یا دامەزراندنا ئێکەتیا نشتیمانی یا کوردستانێ پەیامەک بەلاڤکرییە و تێدا دووپاتی ل ئێکرێزییە کرییە.
د پەیاما پیرۆزباهیا مەکتەبا سیاسی یا پارتی دیمۆکراتی کوردستان دا هاتییە،”ئێکەتیا نشتیمانی یا کوردستانێ هەڤخەبات و هەڤپەیمانەکا گرنگ و سەرەکی یا پارتییە، هەردەم رۆلەکێ گرنگ و کاریگەر د دەستڤەئینانا پاراستنا دەستکەفتیێن هەرێمێ دا هەبوویە”.
هەروەسا گۆتییە،” هیڤیدارین ل گەل هەموو ئالیا د ڤێ قووناغێ ژی دا بزاڤان بکەین بەرژەوەندیێن بلند یێن نشتیمانی و نەتەوەیی بلند رابگرین و ب گیانەکێ نشتیمانپەروەری و لدووڤ پێدڤییا قووناغێ رۆلێ خوە یێ دروست بگێرین”.
پارتی د پەیاما خوە دا دووپاتی ل هەماهەنگی، تەبایی و ئێکرێزیێ کرییە داخواز کرییە ل گەل هەموو هێزێن دی یێن هەرێما کوردستانێ کار بۆ چارەکرنا کێشە و دابینکرنا ژیانەکا باشتر بۆ وەلاتیان و پاراستنا قەوارەیێ هەرێمێ بهێتە کرن.
Comments are closed, but trackbacks and pingbacks are open.