پەیوەندی دنافبەرا ئاین و سیاسەت عیراق وەک نمونە
کارزان مەهدی کەکو نێروەی .
پەیوەندییا دنافبەرا ئاین و سیاسەتێ دا گەلەک دان و ستاندن یێل سەر هاتینە کرن ، بیرمەند دابەش بوون ب سەر دوو لایەنان دا هندەکا وەسا هزردکر کو پەیوەندیەکا راستەخو یا هەی دنافبەرا واندا د هەمان دەمدا هندەکێن دی دیت کو پەیوەندیەکا نەراستەخوو یا هەی ، وەکی دهێتە زانین کو ژێدەرێ ئاینی وەحیە ئانکو ژێدەرەکێ ئیلاهیە کو خودێ بوو پێغمبەرێن خو هنارتیە ، بەلێ سیاسەت ژێدەرێ وێ مروفێن کو ب بورینا چەند سەدەیان و ئەزموون و کلتور ژ چەند نەتەوەیێن جودا جودا گەشە یاکری هەتا گەهشیە ڤی سەردەمی .
ڤەگوهاستنا ئاینی ژ سیاسەتێ ژ خالێن هەرە گرنگێن پێشکەفتن و گەشەکرنا سیاسەت و ئابوور و کومەلایەتی یا کومەلگەهێ یە ، ئارمانج ژ جوداکرنا دین ژ سیاسەتێ بتنێ بوو ب دەستفە ئینانا ژیانەکا نوییە ، سیاسەت ب شێوەیەکێ یا هاتیە دارێژتن ب ئارمانجا ب رێفەبرنا وەلاتی د هەمی بواراندا ل سەر ئاستێ نافخو و دەرفە ، هەروەسا سیاسەت ل کومەلگەهەکێ بوو ئێکێ دی دهێتە گوهرین چونکی ژ دروستکرنا مروفییە بەلێ ئاین د هەر کومەلگەهەکێ دا بیت هەر ئێک سەرچاوە یێ هەی .
ژبلی ڤێ چەندێ تێکەلکرنا ئاین و سیاسەتێ مەترسی ژێ دروست دبن و د ئەنجام دا ئێک دێ بیتە قوربانی بوو یا دی ، هەروەسا دێ بیتە ئەگەرێ تێکدان و نەسەقامگیریێ د نافخویا وەلاتی دا بوو نمونە وەکی ئەوا نوکە ل عیراقێ رویدەت پشتی کەفتنا رژێما بەرێ و نفیسانا دەستورەکێ نووی بوو عیراقا فیدرال ئاین یێ هاتیە تێکەلکرن دگەل سیستەمێ دیموکراتی ئەفێ چەندێ ژی یا وەکری کو ئاین ببیتە ئامرازەک بوو بدەستفەئیانا مەرەمێن سیاسی و بازرگانی .
ژبەر هندێ د شیاندا نینە رێگری بهێتە کرن ژ دروست بوونا ملیشیات و هێزێن سەبازی یێن مەزهەبی و گروپ و رێکخراوێن تیرورستی ، ئەف هێز و گروپێن مەزهەبی دناف وەلاتی دا بووینە ئەگەرێ چەندین شکەستنێن ئێک ل دیف ئێک بوو عیراقێ و حکومەتێن وێ ، ژبەر فێ چەندێ چارەسەرکرنا ئاریشەیێن عیراقێ پێدفی ب تنێ چاکسازیێن سیاسی نینە بەلکو پێدفیە ئاین ژ سیاسەتێ بهێتە جوداکرن و سیستەمەکێ سیاسی یی ساخلەم بو رێکخستنا کومەڵگەهێ و رێفەبرنا وەلاتی و دروستکرنا دەستورەکێ ل سەربنەمای دیموکراسی بهێتە دروستکرن.
ژبەرفێ چەندێ ئەگەر مەبفێت د کومەڵگەهێ مروفایەتی دا ژیانێ هەفسەنگ بکەین و ماف و ئەرکێن هەمیان دیار بکەین دێ مە پێدفی سیستەمەکێ دادوەری هەبیت ، ئەف تێکەلکرنا ئاینی دگەل سیاسەتێ بهایێن جوان یێن ئاینی کەفتینە د خزمەتا گوپێن چەکدار و میلیشیاتا ب شێوازەکێ ئاینی بکار د ئینن بوو پیروزکرنا خوو و سیاسەت و دین هەردوو یێن کرێت کرین .
تێکەلکرنا ئاین و سیاسەتێ د عیراقێ دا کاریگەریا کریە سەر سەقامگیریا هەرێما کوردستانێ ژی دەرنجام هێرشکرن بوون بو سەر ئێمناهی و ئاسائیشا کوردستانێ ب هەجەتێن جودا جودا و پێکولکرنێن بەردەوام بو تێکدانا وێ پێشکەفتن و سەقامگیری و ئافەدانیا ل هەرێما کوردستانێ هەی ب بەراورد کرن دگەل پارزگەهێن دی یێن عیراقێ
Comments are closed, but trackbacks and pingbacks are open.