پەیڤدارێ وەزارەتا کارەبێ خویا کر، پرۆسا سیستەمێ کارەبا کارت دێ کەڤیتە کاری و دبێژیت: سیستەمێ پریپەید دێ کاریگەری ل سەر ب کارئینانا کارەبێ هەبیت و وەلاتی زێدەتر دێ ئابووریێ د ب کارئینانا کارەبێ دا کەن.
ئومێد ئەحمەد، پەیڤدارێ وەزارەتا کارەبێ بۆ رۆژناما ئەڤرۆ دیار کر، بڕیار هاتیەدان سیستەمێ دانا کارەبێ بۆ وەلاتیان ببیتە کارت و سیستەمێ پریپەید دێ هێتە بجهئینان و گۆت: “ل گورەی ئەڤی سیستەمی کارەب ب کارتێ دێ ھێتە کڕین، ل دەستپێکێ ژى ل باژێڕێن مەزن و پڕۆژەیێن وەبەرهێنانێ یێن ئاکنجیبوونێ سیستەمێ پریپەید دێ هێتە بجهئینان، ئەگەر یێ سەرکەفتی بوو ئەڤە سیستەمێ کارەبێ ل هەموو کوردستانێ دێ بیتە کارت”.
ئومێد ئەحمەد گۆتژی: “سیستەمێ پریپەید چەندین مفا هەنە، ژ وان ژی: کێمبوونا بارگرانیا ل سەر یەکەیێن کارەبێ، هەروەسا دەمێ کارەب دبیتە کارت وەلاتی دێ زێدەتر ئابووریێ د ب کارئینانا کارەبێ دا کەن، ئانکو وەلاتی ل گورەی پێدڤیاتیا خوە دێ کارەبێ بکارئینن”.
Comments are closed, but trackbacks and pingbacks are open.