چارچوڤێ ههماههنگیێ ره‌تكرنا ئاسایكرنا په‌یوه‌ندیان دگه‌ل ئسرائیلێ دكه‌ته مه‌رج ژ بۆ پێكئینانا حكومه‌تا نوی یا عیراقێ
ئه‌ڤرۆ چارچوڤێ هه‌ماهه‌نگی ده‌سپێشخه‌ریه‌كا پێكهاتی ژ نه‌هـ خالان به‌رامبه‌ر پێگیری ب نه‌هـ خالێن دی ئێخستیه به‌رامبه‌ر لایه‌نێن سیاسی ل عیراقێ ژبۆ پێكئینانا حكومه‌تا نوی.
ژوان خالێن هاتینه دیاركرى:
1- ژبۆ پێگیری ب ماوه‌یێن ده‌ستوری داخوازێ ژ هه‌می لایه‌نان دكه‌ین دانوستاندنێ بكه‌ن بێ مه‌رج.
2- دڤێت لایه‌نێن كوردی رێككه‌ڤن لسه‌ر ده‌ستنیشانكرنا كه‌سه‌كێ ژهه‌ژی بۆ وه‌رگرتنا پۆستێ سه‌رۆككوماری.
3- ژبه‌ركو پۆستێ سه‌رۆكوه‌زیران پۆسته‌كێ كاریگه‌ر و گرنگه دڤێت پرانیا لایه‌نان رێكه‌فتنێ لسه‌ر بكه‌ن ودڤێت كه‌سه‌كێ ژ هه‌ژی بیت، وبشێت وی جهی پركه‌ت وبسپوریه‌كا باش هه‌بیت.
4- ئه‌م وه‌كو چارچوڤێ هه‌ماهه‌نگی داخوازێ ژ په‌رله‌مانتارێن بێلایه‌ن دكه‌ین كه‌سه‌كێ ژ هه‌ژی ببین بۆ برێڤه‌برنا وه‌لاتێ ب مه‌رجه‌كی بهێته پشته‌ڤانیكرن ژلایێ مه‌زنترین فراكسیونا په‌رله‌مانیڤه.
5- برێكا ئه‌ڤێ ده‌سپێشخه‌ریێ دێ كێشه‌یێن هه‌رسێ سه‌رۆكاتیا هێنه چاره‌سه‌ر‌كرن كۆ هه‌ر پێكهاته‌یه‌ك دناڤبه‌را خۆدا بگه‌هنه رێككه‌فتنێ لسه‌ر كه‌سانه‌كێ ژ هه‌ژی بۆ وان پۆستان.
6- خۆ دویركرن ژ سیاسه‌تا شكه‌ستنا یێ به‌رامبه‌ر و په‌یره‌كرنا سیاسه‌تا دانوستاندنان و ده‌ستبه‌ردان ژ هنده‌ك ماف ئیمتیازاتان و به‌رچاڤوه‌رگرتنا به‌لانسا هه‌لبژاتنان دڤان دیالوكاندا.
7- ئه‌وێ حكومرانیێ دكه‌ت دڤێت سه‌قایێ ئۆپوزسیونێ دناڤ په‌رله‌مانیدا ب پارێزیت دا بشێت ب دروستی رۆلێ چاڤدێریێ رابیت و حكومه‌تێ سزابده‌ت ئه‌گه‌ر خه‌مساری درۆلێ خودا كر، و هنده‌ك لژنه‌یێن په‌رله‌مانی دڤێت ب سه‌رۆكاتیا كه‌سانێ بێ لایه‌ن بن ژبۆ ئه‌نجامدانا مه‌رما بوری.
8- چارچوڤێ ههماههنگیێ بهه‌ڤكاری دگه‌ل هێزێن دگه‌لدا دێ ده‌ست ب دانوستاندنا كه‌ت دگه‌ل لایه‌نێن دی بكه‌ت، دا ئه‌ڤ ده‌سپێشخه‌ریه بهێته جێبه‌جێكرن.
9- هه‌ر لایه‌نك یێ ئازاده پشكداریێ دحكومه‌تێدا بكه‌ت یان به‌ره‌ڤ ئوپوزسیونێ ڤه بچیت.
ژبو جێبه‌جێكرنا ئه‌ڤێ ده‌سپێشخه‌ریێ دڤێت هه‌می لایه‌ن دێ سوزێ ده‌ن پێگیربن ب ئه‌ڤ خالێن ل خوارێ:
1- سوزێ بده‌ن كو دێ پێداچونێ د هه‌مێ گرێبه‌ست وقه‌ر ودامزراندنان دا بكه‌ن، ئه‌وێن دماوێ ژهه‌لوه‌شاندنا جڤاتا نوینه‌ران دا تا كو دامه‌زراندنا حكومه‌تا نوی هاتینه كرن.
2- هه‌مواركرنا یاسا هه‌لبژارتنان وگوهرینا كومسیونا بالا یا هه‌لبژارتنان وسزادانا هه‌ر كه‌سێ خه‌مسارێ دكارێخودا كری دناڤ جڤاتا كومیساران دا.
3- پاراستنا مافێن كێم نه‌ته‌ویان د دابینكرنا ده‌رفه‌تێن كاری و ئازادیا بیروباوه‌ران.
4- رێكخستنا كارێ دناڤبه‌را حكومه‌تا فیدرال و حكومه‌تا هه‌رێما كوردستانێ بشێوه‌كی مافێن هه‌میان دپاراستی بن بره‌نگه‌كێ روهن وئاشكرا، وڤه‌دیتنا چاره‌سه‌ریێن گونجای بۆ ئارێشێن دناڤبه‌را هه‌ردوو لایاندا لدویڤ خالێن دستوری، وه‌ك نمونه: ده‌رئێخستنا یاسا گاز وغازا فیدرالی وچه‌وانیا برێڤه‌برنا سانێ وه‌لاتی پشته‌ڤانیا پاسه‌وانێن هه‌رێمێ و پێشمه‌رگه‌هی وپێگیری وگرێدانا وان ب فه‌رماندێ گشتی یێ هێزێن چه‌كدارێن .
5-دووباره ئاڤكرنا وان ده‌ڤه‌رێن هاتینه رزگاركرن وكاركرن بۆ ڤه‌گه‌راندنا ئاواره په‌نابه‌ران بۆ جهـ ووارێن وان.
6- دامه‌زراندنا سنده‌قه‌كێ بۆ هاریكاریا وان پارێزگه‌هێن توشی هه‌ژایێ بوین، لدویڤ وان ئامارێن فه‌رمی یێن وه‌زاره‌تا پلاندانانێ، بمه‌رجه‌كی پاره دمیزانیێدا بۆ بهێنه دابین كرن.
7- هه‌می هێز دێ سوزێ ده‌ن ژبۆ دژاتیا ئاسایكرن وسروشتیكرنا په‌یوه‌ندیان دگه‌ل ئیسرائیلێ.
8- ئه‌كتیڤكرنا دام وده‌زگه‌هێن چاڤدێری وپه‌رله‌مانی ژبۆ به‌رهانگاربونا گه‌نده‌لیێ وپاراستنا یاسیایێ.
9- دارشتنا په‌یره‌وه‌كێ وه‌زاری پروگرامه‌كێ حكومی بۆ قوناغا داهاتی ودیاركرنا پیڤه‌رێن هه‌لبژاتنا تیما وه‌زاری یاكو دێ ب ڤان كان رابیت زێده‌باری دیاركرنا ده‌مێن پێدڤی بۆ جێبه‌جێكرنا وان.
Comments are closed, but trackbacks and pingbacks are open.