ساخلەمی، زێ بادینان:

ئه‌گه‌ر تو ژ وان كه‌سان بی یێ، ته‌ دڤێت زوی ژ خه‌و رابی و تو نه‌شێی روتینا رۆژانه‌ یا خوه‌ بشكینی، نه‌ترسه‌، مالپه‌رێ “Care2” چه‌ند شیره‌ت بۆ ڤی حاله‌تی پێشكێشكرن، و ئه‌و ژى:
1- ژڤانێ ژ خه‌ورابینا خوه‌ پێنگاڤ پێنگاڤ ب گوهوره‌، و یاسایا چارێكا ده‌مژمێرێ بكاربینه‌، كو هه‌ر شه‌ڤ 15 خوله‌كان زویتر بنڤه‌ و ته‌له‌فونا خوه‌ ل سپێده‌هییان 15 خوله‌كان زویتر ئاگه‌هدار بكه‌ ته‌ ژ خه‌و راكت، و هه‌ر چار رۆژان دێ شێی ده‌مژمێره‌كێ زویتر ژ خه‌و رابی.
2- ئه‌گه‌ر ته‌ ڤیا بنڤی هه‌ول بده‌ پێنگاڤ پێنگاڤ به‌ره‌ڤ ژینگه‌ها نڤستنێ بچی، كو ئه‌گه‌ر ته‌ ڤیا زوی بنڤی، ژبه‌ری وی ده‌می خوه‌ ژ رۆناهییا دژوار و چالاكیێن خه‌وره‌ڤین دویربێخه‌.

3- دوو ژڤانان بۆ هشیاربینێ رێكبێخه‌، شیره‌ت دهێنه‌ كرن ب رێكئێخستنا دوو ژڤانان بۆ ژخه‌ورابینێ، و ده‌مێ دناڤبه‌را وان دا 90 خوله‌ك بن، بۆ نمونه‌ ئه‌گه‌ر ته‌ڤیا ده‌مژمێر حه‌فتی سپێدێ ژ خه‌ورابی، جارا ئێكێ ته‌له‌فونا خوه‌ بۆ ده‌مژمێر 05:30 خوله‌ك رێكبێخه‌ و یا دووێ ل ده‌مژمێر 07:00.
4- ب شه‌ڤێ له‌ش كێم ئاڤ دبت، له‌وا ده‌مێ ژ خه‌و رادبی ئێكسه‌ر هه‌ول بده‌ ئاڤێ ڤه‌خوی، داكو چالاكیێن له‌شێ ته‌ زویتر ب ڤه‌گه‌رن ڤه‌، و باشتره‌ قه‌هوه‌یێ ل سپێده‌هییان پشتی ژ خه‌ورابینێ ب ده‌مژمێره‌كێ یان پتر ڤه‌خوی.
5- تێشته‌كا ساخله‌م بخوه‌، چونكی خارنێن تێر شه‌كر، دبنه‌ ئه‌گه‌رێ زوی وه‌ستیانێ، و هوسا هێش رۆژا ته‌ ب نیڤی نه‌بی دێ هه‌ست ب وه‌ستیانێ كه‌ی، له‌وا بلا تێشتا ته‌ یا ساخله‌م بت.
6- هه‌ول بده‌ ل ده‌مێ ژ خه‌ورابینێ دوو خوله‌كان بتنێ هزرێن خوه‌ د كارێن خوه‌ یێن رۆژانه‌ دا بكه‌ی.
7- هه‌ول بده‌ ل بهێنڤه‌دانان گوهورینێن مه‌زن نه‌كه‌ڤنه‌ خشته‌یێ نڤستن و ژ خه‌ورابینا ته‌، چونكی دبت ئێك شه‌ڤبێری و دره‌نگ ژ خه‌ورابین وه‌ستیانا ته‌ یا حه‌فتییه‌كێ ب  هه‌ده‌ر بدت.