چاكسازى دڤێت (كه‌لامچه‌كرنا) ده‌ستێن گه‌نده‌ر بيت
زەنوون سلێڤانەی ـ زاخو
ل پرانيا وه‌لاتێن جيهانێ، تايبه‌ت ئه‌ڤێن پێشكه‌فتى و ديموكراتخواز، ئه‌نجامدانا چاكسازييان تشته‌كێ نورماله و ئه‌ڤه ژى يا ته‌ندروسته ژبه‌ركو دا ئيداره‌دانا وه‌لاتێن وان ل سه‌ر بنه‌مايه‌كێ باش برێڤه بچيت و رێ ل كه‌مته‌ر خه‌مى و گه‌نده‌لييان بهێته گرتنێ و بۆ كه‌سێ نه‌بيت ل سه‌ر حسابا به‌رژه‌وه‌ندييا گشتى خوه زه‌نگين بكه‌ت و خوه ئاڤا بكه‌ت. ب هه‌بوونا چاكسازيێ ژى دادپه‌روه‌ى په‌يدا ددبيت و ياسا سه‌روه‌ر دبيت و مافێن هاولاتييان ژى دهێنه پاراستن.
ل هه‌رێما كوردستانێ ژى دڤى هه‌يامى دا گه‌له‌ك باس ل چاكسازييان دهێته كرنێ و ئه‌ڤه ى ژ ئه‌گه‌رێ په‌يدا بوونا قه‌يرانێن به‌رده‌وام و هه‌بوونا گه‌نده‌ليێ و دا كو حكومه‌ت بشێت خوه ل سه‌ر پێن خوه بگريت و بشێت ژيارا هاولاتييان خوه‌ش بكه‌ت، دڤێت هه‌مى رێكار بهێنه هاڤێتن دا كو ئه‌ڤ چاكسازييه بهێته كرنێ، سه‌ره‌راى كو حكومه‌تا زيره‌ك، دڤێت به‌رنامێ وێ بخوه چاكسازى بيت، ژبه‌ركو ئه‌و وه‌زاره‌ت و هه‌مى دام و ده‌زگه‌هان برێڤه دبه‌ت و دڤێت كه‌سێن كه‌مته‌رخه‌م و يێن گه‌نده‌ل بگه‌هنه سزايێن خوه و هه‌ر كه‌سێ گه‌نده‌لى ب سه‌ر ده‌ركه‌ڤيت هه‌ر كه‌سێ كه‌مته‌رخه‌ميێ د پوستێ خوه‌دا بكه‌ت، بهێته سزادان.
دا كو چاكسازييا دروست ژى بهێته كرن، ئه‌ڤه نه بتنێ ل هه‌رێما كوردستانێ به‌لكو ل هه‌ر وه‌لاه‌تكێ ده‌ستهه‌لاتا وێ بڤێت چاكسازيێ بكه‌ت، دڤێت ده‌زگه‌هێن چاڤدێريێ و دووڤچوونێ دكارا بن و دروست ب ئه‌ركێ خوه رابن كه‌سێن سه‌رپێچكه‌ر بگه‌هنه سزايێ و دێ بۆ ئه‌ڤێن گه‌نده‌ليێ ژى دكه‌ن بيته ده‌رس..
Comments are closed, but trackbacks and pingbacks are open.