وەزارەتا چاندن و ژێدەرێن ئاڤی یا حکومەتا هەرێمێ ڕاگەهاند، بۆ رێگریکرنێ ل بەلاڤبوونا نەخۆشیا تایا خۆین بەربوونێ پێتڤیە شەش رێکاران بگرینە بەر ئێک ژوان ژی، پشکنینا ئاژەلایە بەریا سەربڕین و پشتی سەر بڕینێ ب مەرەما پشتڕاستبوون ژ ساخلەمیا ئاژەلان.
وەزارەتا چاندن و ژێدەرێن ئاڤی یا حکومەتا هەرێمێ ڕاگەهاندنەک بەلاڤکر و تێدا هاتیە، ل پێناڤ رێگریکرنێ ل بەلاڤبوونا نەخۆشیا تایا خۆین بەربوونێ ل هەرێما کوردستانێ، کو نها ل هندەک پارێزگەهێن عێراقێ بەلاڤبوویە، پێتڤیە ڤان رێکاران بگرینە بەر:
١- پێتڤیە سەربڕین ل سەربڕخانەیێن فەرمی بیت و ب پشکنین و مۆرا فەرمیا ڤیتەرنەریێ بچیتە د بازاری دا و لسەر رێکێن کەڤن ل کۆلانان بهێتە قەدەغەرکرن.
٢- پشکنینا ئاژەلان بەریا سەربڕین و پشتی سەربڕینێ ب مەرەما پشتڕاستبوون ژ ساخلەمیا وی ئاژەلی بهێتە ئەنجامدان.
٣- پێتڤیە رێکارێن ساخلەمیێ بۆ لبەرکرنا جلۆبەرگێن تایبەتمەند و کەلوپەلێن سەربڕینێ لسەربڕخانەیان ل بەر چاڤ بهێتە وەرگرتن.
٤- کەرەنتینێن ئاژەلی ل دەریێن سنوری و بالەفڕخانەیان دا پێتڤی ب پشکنینێن هویر بۆ ئاژەلان بکەن کو دهێنە هەرێما کوردستانێ ب مەرەما پشتڕاستبوونێ ژ ساخەلمیا ئاژەلی.
٥- وەزارەتا چاندنا هەرێمێ رێکارێن پێتڤی دگریتە بەر ب مەرەما دابینکرنا دەرمانێن شیشتنا ئاژەلی بۆ ژناڤبرنا مشەخورێن دەرەکی (قرنی و گەنە) کو سەدەمێ سەرەکی یێن ڤەگۆهاستنا ڤایرۆسێ نەخۆشیا تایا خۆینبەربوونێ نە، دناڤ وان ئاژەلان ژی دا، هەلمەت ژی لسەر ئاستێ هەرێما کوردستانێ دهێتە ئەنجامدان.
٦- کۆنترۆلکرنا دیاردەیا ئینانا ئاژەلی ب ئاوایەکێ نەفەرمی لسنورێن دەرەکی و دناڤبەرا هەرێم و عێراقا فیدڕال دا، هەروەسا رێکگرتنە ل ئینانا ئاژەلی ژ وان پارێزگەهان کو نەخۆشیا تایا خۆینبەربوونێ تێدا بەربەلاڤبوویە.
ئەمە لەکاتێکدایە، لە ناوچەکانی ناوەڕاست و باشوری عێراق نەخۆشی تای خوێنبەربوون بڵاوبووەتەوە و بەهۆیەوە ژمارەیەک توشبوو گیانیانلەدەستدا. دوێنێش لە هەرێم وەزارەتی تەندروستی هەرێم یەکەم حاڵەتی گیانلەدەستدانی بە تای خوێنبەربوون راگەیاند.
Comments are closed, but trackbacks and pingbacks are open.