رێڤه‌به‌ریا شینوار و كه‌له‌پورى ل پارێزگه‌ها دهۆكێ راگه‌هاند، تا نوكه نێزیكى دووهزار جهێن شینواری ل پارێزگه‌ها دهۆكێ هاتینه دیتن. و نوكه هه‌لكۆلان ل هنده‌ك جهان دهێته كرن وه‌ك (باستكێ- موقبلێ- فه‌یدیێ) هه‌روه‌سا كارێن نوژه‌نكرنێ ژی ل چه‌ندین جهێن دى دهێته دهێه‌كرن وه‌ك ده‌رگه‌هێ به‌هدینان ل ئامێدیێ.
د .بێكه‌س بریفكانى رێڤه‌به‌رێ شینوار و كه‌له‌پورى ل پارێزگه‌ها دهۆكێ راگه‌هاند، رێكخراوا یونسكو بریار دایه شنوارێن شكه‌فتا چوارستین و كێلیا شه‌دایێ نوژه‌ن بكه‌ت. هه‌روه‌سا داخویاكرن كو رێڤه‌به‌ریا وان بهه‌ڤكاری دگه‌ل رێكخراوا ئه‌كتد یا فه‌ره‌نسى كارێ چێكرن و سه‌خبێركرنا شینوارێن خنس و نوژه‌نكرنا قشلا ئاكرێ دكه‌ت ودیاركر كو رازیبون ژ جڤاتا وه‌زیران وه‌رگرتیه كو خانیێن كه‌له‌پورى ل ئاكرێ بهێنه دیاركرن.
بریفكانی دازانین ئه‌وان بهه‌ماهه‌نگی دگه‌ل رێكخراوا( GIZ) كاركریه بۆ ده‌ستنیشانكرنا خانیێن كه‌له‌پوورى ل دهۆكێ، هه‌روه‌سا داخویاكرن ره‌زامه‌ندى لسه‌ر نوژه‌نكرنا كنیشته‌یه‌كا جوهیان ل گوندێ شوشێ وه‌رگرتیه كو كوژمێ(500) هزار دۆلاران ژ لایێ كونسولخانه‌یا ئه‌مریكى بۆ هاتینه ته‌رخانكرن، هه‌روسا بریفكانی دوپاتكر كارێ نوژه‌نكرنێ ل مه‌زارگه‌هێ نه‌بی ناحوم ل ئه‌لقوش ب كوژمێ (1500000) ملیونه‌ك و پنج سه‌د هزار دۆلارا بدوماهی هاتیه وچاڤه‌رێ یه ل ڤان نێزیكان بهێته ڤه‌كرن.
Comments are closed, but trackbacks and pingbacks are open.