په‌یڤدارێ رێڤه‌به‌رییا پۆلیسێن پارێزگه‌ها دهۆكێ د كونگره‌كێ رۆژنامه‌ڤانیدا راگه‌هاند، ل سنوورێ قه‌زا ئاكرێ چوار تاوانبار لدۆر چار كه‌یسێن جودا هاتنه ده‌سته‌سه‌ركرن.
هێمن سلێمان، په‌یڤدارێ رێڤه‌به‌رییا پۆلیسێن پارێزگه‌ها دهۆكێ راگه‌هاند، ئێك ژوان تاوانباران ل سنوورێ ناحیا گرده‌سێن 4/11/2021 خانیێ كه‌سه‌كێ سووتبوو، د ماوێ 24 ده‌مژمێراندا ئه‌و كه‌سه هاته ده‌سته‌سه‌ركرن.
ئاماژه كر ژى، به‌رى هه‌یڤه‌كێ ل 13/10/2021 خودانێ ده‌رمانخانه‌كێ ل سنوورێ قه‌زا ئاكرێ سكالا لسه‌ر كه‌سه‌كێ تۆماركربوو، كو ب كوژمێ 60 ملیۆن دینارا پاره ژێ هاتینه دزین، پۆلیسێن نه‌هێلانا گونه‌هباریا ئاكرێ ئه‌و تاوانبارده‌سته‌سه‌ركر، هه‌روه‌سا گوت دو تاوانباران هژماره‌كا ته‌رش و ته‌والى ل سنوورێ ناحیا دینارته و بجیل دزینه و برینه پارێزگه‌هێن دى یێن هه‌رێمى و فرۆتینه.
هێمن سلێمان دیاركر، لسه‌ر خراب بكار ئینانا ئامیرێن ئنته‌رنێتێ، ژنه‌كا 25 سالى سكالا لسه‌ر كه‌سه‌كێ تۆماركریه كو ب رێكا تورا سناپ چاتى وێنێن وێ بربون، گه‌ف لێ دكرن كو هه‌ركاره‌كێ وى بڤێت نه‌كه‌ت دێ وێنێن وێ به‌لاڤكه‌ت.
Comments are closed, but trackbacks and pingbacks are open.