شێورمەندەکێ سەرۆک وەزیرێن عێراقێ بۆ کاروبارێن دارایی ڕاگەهاند، ئاسایبوونا بهایێ دینارى گێردایە ب چەند مەرجەکان و پێدڤیە هەبن و بهێنە جێبەجێکرن، ئێک ژ مەرجان ژى باشبوونا شیانێن گەشەکرنا ئابورییە.
مەزهەر محەمەد شێورمەندێ سەرۆک وەزیرێن عێراقێ بۆ کاروبارێن دارایی بۆ ئاژانسا نووچەیێن عێراقى بەحسا وێیەکێ کر، ئاسایبوونا بهایێ دینارێ عێراقى گرێدایە ب شیانێن ئابورى بۆ گەشەکرنێ، ئەو ژى ئەگەر گەشەیەکا بەرچاڤ بکەت، دبێژیت ژى، لگورى پێشبینیان د نها دا گەشەیا ئابورى ٢.٥%ێ یە ئەو ژى لگورى گەشەیا ڕاستەقینە یا ئاکنجیانە”.
دەربارەى گەشەکرنا ئابورى ژى، شێورمەندێ کازمى ئاماژە ب وێیەکێ کر، ئەو گەشەیە پێدڤى ب گەشەپێدانەکا دروست و کێمکرنا بێکارى و و بلندبوونا دەرفەتا کارى و گەشەکرنا پرۆژەیێن وەبەرهێنانێ، کو ئەو ژى دێ بیتە سەدەما ب دەستڤەئینانا داهاتى بۆ قەرەبووکرنا پەتڕۆلێ، بەردەوامبوونا داهاتان و هێزا ئابورى.
د مەها کانوونا سالا دەربازبووى دا، بانکا ناڤەندیا عێراقێ ١٠٠ دۆلار ژ نێزیکى ١٢٠ هزار دیناران بۆ نێزیکى ١٤٥ هزار دیناران بلندکرینە و وێ ژى کاریگەرى کریە سەر کار و داهاتێ وەلاتیان و کارڤەدانێن جۆدا ب دویڤ خۆ دا ئینان.
بلندبوونا بهایێ دۆلارى بۆ زێدەتر ژ ١٥٠ هزار دیناران بۆ ئیێکەم جار پشتى سالا ٢٠٠٣ێ ل بازارێن عێراقێ و هەرێما کوردستانێ ل هەمبەر دینارێ عێراقى؛ بلندترین بها تۆماربکەت، کو د نها دا گەهشتەیە وى ئاستى بهایێ ١٠٠ دۆلاران ب ١٤٧ هزار و ٩٠٠ دیناران بازار پێ دهێتەکرن.
Comments are closed, but trackbacks and pingbacks are open.