هەڤدیتن: سالار موحەمەد فەتاح
بابەتێ سەرهلدانا باژێرێ زاخۆ و چەندین نهێنی و ڕاستیێن هاتینە ڤەشارتن، و گوهرینێ. وەک ئەم د زانینن باژێرێ زاخۆ ل (١٣ ئادارا سالا ١٩٩١) دەست ب سەرهلدانێ کرییە، و چەندین کەسایەتیان و بەرپڕسن وی دەمی دگەل ڕژێما (بەعس) خۆ ب خودانێن سەرهلدانێ دبینن، و ڕاستییا بابەتێ سەرهلدانا زاخۆ کرینە د تەم و مژەکا نە دیاردا و ڕاستییا بابەتێ ڤەشارتینە و چەندین قەهرەمانێن سەرهلدانێ ل ڕاگەهاندنێ دا ڤەشارتینە، ژبەر وێ چەندێ هەولا ڤەدوزینا ڕاستییا بابەتێ مە ل سەر ملێن خۆ دانایە، و هێدی دەمهاتییە بۆ ڕایا گشتی دیار ببیتن کا کینە ڕزگارکەرێن سەرەکی یێن باژێرێ زاخۆ، و د ڤێ کورتیێ دا دێ بەحس کەین.
پشتی چاڤپێکڤەتنێ دگەل کومەکا قارەمانێن ڕاستەقینە یێن سەرهلدانا باژێرێ زاخۆ چەندین ڕاستیەکێن نە گۆتی هاتنە گۆتن، ژ وانا دژایەتیکرنا سەرهلدانا باژێرێ زاخۆ ژ لایێ کومەکا کەسایەتیێن زاخۆڤە، و ڕەتکرنا سەرهلدانێ، و بەرسڤ نەدانا بەژداری کرنێ ژ لایێ چەندین بنەمالەکێن مەزن یێن باژێرێ زاخۆ، کو نوکە خۆ ب کریاردەرێن ژمارە ئێک یێن سەرهلدانێ ددەنە دیارکرن.
ل دویڤ ژێدەرەکێ سەرەکی یێ سەرهلدانا باژێرێ زاخۆ هاتیە گۆتن ل ڕۆژا ٥/٣/١٩٩١ کو هاتینە ئاگەهدارکرن ژ لایێ (ج، ف، س) کو خەلکێ کوردستانێ یێ شەڕەفمەند دێ دەست ب سەرهلدانێ کەت ل دژی ڕژێما (بەعس) و هێدی ڕۆژا ئازادکرنا کوردستانێ هاتییە، و کەتینە د ئامادەباشیێ دا ژ بۆ دەستپێکرنا سەرهلدانێ ل باژێرێ زاخۆ، و ل شەڤا ١٣ ئادارا ١٩٩١ هەڤالێن سەرهلدانێ ل تاخێ سێمالکا ل مالا (ج، ل، هـ) کومبوون کو چەندین کەسەک د ڤێ کومبوونێ دا بەژدارببوون ژ وانان:
١- ج، ف، س
٢- م، ف، س
٣- أ، ف، س
٤- س، ف، س
٥- ص، م، ط
٦- (ع، ع دگەل هـ، ع)
٧- م، ش، ح
٨- ص، ت، م
٩- ع، سلێڤانەی- کانی کەڕکی
١٠- سێ کەسێن دی دگەل ڤێ کومەلێ بوون کو هەڤالێن (ج، ف،س) بین.
پشتی چووینە مالا (ج، ل، هـ) نێزیکی (٥٠) زەلامان ل وێ مالێ ئامادەبوون ژ بۆ دەستپێکرنا سەرهلدانێ و لێدانا بارەگایێن ڕژێما بەعس، ل وێرێ گڤتوگو هاتەکرن و خولەکا (سفرێ) هاتە دیارکرن. ل دیڤدا لدەمژمێر ١٠:٠٠ شەڤ (ی، نض) گۆت: کی درۆشمێن کوردی د زانیتن؟ و (م، ف، س) ل سەر پرا سێمالکا ل نێزیک (ڕەزێ لالوی) ل پێشیا خەلکێ کەڤت و دەستپێکر ب گۆتنا درۆشمێ (بژی بژی کی بژی؟ مسعود بارزانی بژی)، (هاتن هاتن کی هاتن؟ پێشمەرگە و لەشکەر هاتن)، ب ڤان درۆشمان دەستپێکرن و ب ڕێکەڤتن بەرەڤ بارەگایێن (ڕژێما بەعس)، پاش گەهشتن (فندق سیاحی)، و کەسەکێ نە دروست ب ناڤێ (ی، نا) هەولا تەقاندنا گولەیان دا، و ئەڤە وەک زەنگەکێ دهاتە دیتن ژ بۆ (ئەمنا ڕژێما بەعس) ژ بەر وێ چەندێ ئاریشە دناڤبەرا (م، ف، س) و (ی، نا) دروستبوو، و گۆتێ نابیت تو وانا ئاگەهدار بکی ب ڤی هێج شێوەیەکێ نابیت تەقێ بکەی.
بەلێ (ی، نا) گولە ئارپیچیەک بەرەڤ ئاسمانان ڤە پەقاند، و ژبەر وێ چەندێ ئەندامێن بارەگایێ (ئەمنێ) یێن ب ڕەگەز عەرەب هەمی ڕەڤین ب تنێ کەسەک ما د بارەگایێ ئەمنێ دا ب ناڤێ (ب، ن) برایێ (م، ع، ن- خێرکی).
و پشتی پەقینا ئارپیچیێ (م، ف، س) ئارپیچی ژ (ی، نا) وەرگرت و پاش چوو بەرامبەر بارەگایێ (ئەمنێ) و گولەیەک ل خالا چاڤدێریێ (نقتە حرس) دا ، و دیڤدا دوو نارنجووک ئاڤيتن د بارەگای دا و زڤری دەڤ (دئیرا کارەبێ)، و گازێ هەڤالان کر و دووبارە چوو (سەلیەکا غەدارێ) بەردا بارەگایێ (ئەمنێ)، و ل وی وەختی دا زێرەڤانێ دناڤا بارەگای دا، (ب، برایێ م، ع)، دەستەسەرکر و ڕادەستێ (هەڤالێن خۆ یێن سەرهلدانێ) کر. پاش (م، ف، س) لدویڤ دەنگێ زیندانیان چوو دناڤ بارەگایێ (ئەمنێ) دا، و دەرگەهێ زیندانێ شکاند و دوو زیندانیێن سیاسی ئازادکرن و جەک داڤ وانا. هەروەسان (م، ف، س) داخۆاز ژ (ح، م، ح) کر کو ئاگەهـ ژێ هەبیتن و دبیت خیانەت بهێتەکرن، چونکی دزانی گەلەک کەسێن نە دروست دناڤا گرۆپێ ب سەرهلدانێ ڕابووین دا هەنە، و مەترسیی هەیە کو پشتڤە بهێتە گولەبارانکرن.
ژبەری وان زیندانیان بۆ مالێن وان ببەن (م، ف، س)
گازی کر (یان کوردستان یان نەمان، گەلێ کوردا ڕابن سەرخوە پێشمەرگە هاتن، پێشمەرگە هاتن) پاش خەلک ژ تاخێ جوهیا، ڕۆیتا، گوندک قەستا بارەگایێ ئەمنێ کرن و گەل و پەلێن بارەگایی برن و سۆتن.
دیڤدا (م، ف، س) دگەل برا و هەڤالێن خوە چوون (مرکز شرطە-زاخۆ) و ژ تاخێ فلەیان گولە ئارپیچیەک بەردا (مرکز شرطە-زاخۆ) و دەرگەهێ زیندانێ ژ لایێ (م، ف، س، دگەل هـ، ع) هاتە شکاندن و سێ (٣) کەس د وێ زیندانێ دا ژی ئازادکرن.
ل دیڤدا ب تەمامی خەلکێ زاخۆ ڕابوونە سەرخۆ و سەرهلدانکرن.
و ئەڤ کەسێن ئاماژە ب ناڤێ وانا هاتینە کرن هەمی د زیندینە، تنێ دوو کەس ژ وانا د ژیانێ دا نەماینە، و ئيک ژ وان گرتییان ل زاخۆ دژیتن.
هەرچەندە بابەتێ سەرهلدانا زاخۆ لسەر ڕۆپەلەکێ یان دووان ناهێتە سالوخدان، بەلێ ئەڤە کورتییەکە ژ سەرهلدانا زاخۆ هاتییە گۆتن. و ئەو کەسێ ئەڤ دیدارە دگەل هاتییە ئەنجامدانێ ئامادەیە ژ بۆ هەمئ کەنالێن ڕاگەهاندنێ ڕۆنکرنێ بدەتن، و ب بەلگەیێن زیندنی بابەتی ب سەلمینیتن.
تێبینی: (م، ف، س) دگەل برا و هەڤالێن خوە داخۆاز ژ چوار بنەمالێن مەزن ل زاخۆ کرن ڕابن سەرهلدانێ و هەڤکاریا پێشمەرگەی بکەن، بەلێ مخابن بێ بەرسڤبوون، و یێن بەرسڤ داین ژی گۆتن: (مە شولەپێ نینە).
هەروەسان کەسەکێ خیانەتکار بناڤێ (ع، ع، ع، ش) ل هەمبەر سەرهلدانیان ڕاوەستا و ب گولەیان دڤییا تڕسێ ل دەڤ وان دروست بکەتن و دەست ب هاڤێتنا گولەیان کر ب سەر سەرێ وان ڕا.
ئەڤە کورتییەک بۆ ژ یا ئەڤە (٣٤) سالە هاتییە ڤەشارتن و شێواندن، و ژ لایێ گەلەک کەسان ڤە ئەڤ درۆشم هاتینە گوهرین، و ڕاستییا بابەتی نە هاتیە گۆتن.
Comments are closed, but trackbacks and pingbacks are open.