ڕاگەهاندنا یانا دهۆکێ یا وەرزشی روهنكرنه‌كێ ل دۆر سكالایا عه‌لا شبلی ل سه‌ر یانه‌یا دهۆك بەلاڤدکەت
ڕاگەهاندنا یانا دهۆکێ یا وەرزشی روهنكرنه‌كێ ل دۆر سكالایا عه‌لا شبلی ل سه‌ر یانه‌یا دهۆك بەلاڤدکەت
دەقێ روهنکرنێ:
هه‌ر ژ ده‌مێ تۆماركرنا سكالایێ ژلایێ یاریكه‌رێ پێشتر یێ یانه‌یا دهۆك ڤه عه‌لا شبلی ل دادگه‌هێن فیفایێ هه‌رزوو كارگێرییا یانه‌یا دهۆك به‌رسڤا وێ سكالایێ دا، لێ چه‌ند خال هه‌نه دڤێت هه‌موو بزانن ژوان:
- كارگێرییا پێشتر هه‌ڤبه‌ست دگه‌ل یاریكه‌ر ناڤبری ل وه‌رزێ 2020-2021 ب مۆچه‌كێ مه‌زن گرێدابوو و دەمەکێ کورت ما دگەل تیمێ و پاشان ئێکسەر چوو.
- کارگێرییا پێشتر یا نەرم بوو دگەل عەلا شبلی و مۆچێ وی ددایێ لێ پشتی نه‌به‌رده‌وامییا وی دگه‌ل تیمێ ژ هۆكارێن بێ ره‌وشتی ئه‌و ژ یارییێ هاته راوه‌ستاندن و پێرابوونێن یاسایی نەگرتنە بەر داکو هەڤبەست بداوی بهێت.
- پشتی یاریكه‌رێ ناڤبری دگه‌ل راهێنه‌رێ پێشتر یێ یانه‌یا دهۆك عادل ناسری بشه‌ر چووی كارگێرییا پێشتر ئه‌و دوورئێخست و سكالا لسه‌ر نڤێسی لێ ئه‌ڤ سكالایه نه ره‌وانه‌كر بۆ ئێكه‌تییا فۆتبۆلا عیراقێ و یا پارێزگه‌ها دهۆكێ ژی و ژ كێم خه‌میێ بابه‌ت هێلابوو هه‌لاویستی.
- بابه‌تێ نڤێسارا (موخاله‌سێ) و سوزنامه‌یێ كو یانه ده‌رستبه‌رداری یاریكه‌ر بیت ، ژلایێ كارگێرییا پێشتر ڤه هاتییه به‌رزه‌كرن و لده‌مێ دیڤچوونێ ئه‌ڤ هه‌ردوو نڤێساره نه هاتینه دیتن داكو كارگێرییا نوو پێرابوونا دەرحەقێ یاریکەری دا وه‌رگریت.
- راسته ئه‌ڤ هه‌موو شاشییه پێشتر هاتینه‌كرن به‌لێ كارگێرییا نوو خۆ بخۆدانێ هه‌موو ئاریشه‌یێن یانه‌یێ دزانیت و دێ ڤی بابه‌تی بزووترین ده‌م چاره‌سه‌ركه‌ت.
راگه‌هاندنا یانه‌یا دهۆك
Comments are closed, but trackbacks and pingbacks are open.