وەزارەتا بەڕەڤانییا ڕووسیا ئاشكرا كر، ئەڤرۆ ڕۆژا پێنجشەمبی ڕێكەفتی 17 شواتێ، (10) كاروانێن سەربازی ژ گزیرتا كریما ڤەكێشاینە.
ل گورەی ڕاگەهاندنا وەزارەتا بەڕەڤانییا ڕووسیا، پشتی وان هێزا زنجیرەكا مانوران و مەشق و ڕاهێنانان ل گزیرتا كریما بدووماهی ئیناین، ئەو هێزە هاتنە ڤەكێشان، و ژلایێ خۆڤە وەزارەتا بەڕەڤانییا ئەمریكا ڕاگەهاند، هیچ ژڤانەك نەهاتییە دیاركرن بۆ ئەنجامدانا هێڕشێن سەربازیێن ڕووسیا ل دژی ئوكرانیا، هەتا نوكە تنێ ڕووسیا بەرهەڤیان دكەت بۆ ئەنجامدانا وێ هێڕشێ.
نید پرایس، پەیڤدارێ بناڤێ وەزارەتا بەڕەڤانییا ئەمریكا ڕاگەهاند، هەر چەند ڕووسیا هژمارەكا زۆر ژ هێزێن خۆ یێن سەربازی ژ سنوورێن ئوكرانیا ڤەكێشاینە، بەلێ مەترسییا ئەنجامدانا هێڕشەكێ بۆ سەر ئوكرانیا بدووماهی نەهاتییە.
هەر دوی بیاڤیدا، مارگرێتا روبیلس، وەزیرا بەڕەڤانییا ئیسپانیا ڕاگەهاند، قولپا ناتۆ هیچ ژڤانەكێ نە دیاركرییە بۆ ئەنجامدانا هێڕشەكا ڕۆسی ل دژی كرواتیا، و میدیا و ئاژانسێن ڕووسیا ژی دبێژن، هێزێن سەربازیێن ئوكرانیا، تۆپهاڤێژ ئاراستەی دەڤەرێن لژێر دەستهەڵاتا جوداخوازێن ڕۆژهەلاتێ وەڵاتی كرینە، كو ژلایێ ڕووسیاڤە دهێنە پشتەڤانیكرن، ئەو پێنگاڤا لەشەكەرێ ئوكرانیا ژی بەروڤاژی ڕێككەفتنێن چارەسەركرنا ئاڵۆزیانە.
Comments are closed, but trackbacks and pingbacks are open.