شەیما مستەفا
پێك ئینانا حکومەتێ د قوناغا پشتی هەلبژارتنا ل هەر وەلاتەکی دبتە بابەتەکێ گەرم و سەرەکی یێ ڕاگەهاندنێ و وەلاتێن دەوروبەر، ل وەلاتێ ئێراقی جودا ژ وەلاتێن دی ژ ئەگەرێ هەبوونا گەلەك نەتەوەیان و گڕوپ و لایەنێن سیاسی پتر دەم پێڤە دچیت و کومەلگەھ مژویلی دان و ستاندنێن سیاسی دبت و کاریگەریەکا ڕاستەوخو هەیە سەر ژیانا ڕوژانەیا هەڤوەلاتیان. نەبوونا ڕەوشەنبیریا سیاسی و کۆمەڵایەتی بو بەرێ خوە دانا سیاسەتێ سیستەم ل ئێك ئالوز کریە و گریێن هەیی دناڤبەرا لایەنێن سیاسی دا کویر تر لێ کرینە، ژ بلی هەبوونا ئایدۆلۆژییێن هەڤدژ د ناڤبەرا لایەنان ب خوە دا ژی هزر و بیرێن جیاواز هەنە و ئەڤ چەندە دبیتە ئەگەرێ وێ چەندێ پێك ئینانا حکومەتێ پتر گیرو ببت و ببت ئەگەرێ قەیرانێن سیاسی و نە سەقامگیریێ بێگومان ئەڤ چەندە ژی د بەرژەوەندیا گروپێن توندڕەوە و مفای ژ بوشاهیا سیاسی و ئەمنی دبینن و ژ لایێ دی ڤە دەلیڤە بو وەلاتێن دی پەیدا دبت مایتێکرنا ڕاستەوخۆ بکن ل سەر وەلاتی.ژ بەر کاودانێن وەلاتی و نەبوونا سیستەمەك گونجایی ل دویڤ کەتواری سیاسەت ل ئێراقێ کاریگەرە لسەر هەمی بوارێن ژیانێ ، پارتی دیموکراتی کوردستان کو ب هژمارەکا بەرچاڤ نوێنەرایەتیا خەلکێ دکت، ژ بەر ڤێ چەندێ ژی گەلەك ژ لایەن و کەسان ب دژایەتی کرنا پارتی دیموکراتی کوردستان خوە دیار دکن و هەوڵان ددن بزاڤا هەیی لاواز بکن. دیارکرنا هشیار زێباری وەك بەربژێر بو پوستێ سەروکاتیا کومارا ئێراقێ ژ لایێ پارتی دیموکراتی کوردستان ڤە هەر ژ نوکە ئەگەرێ نە ڕازیبوونا لایەنێن دی و دویر نینە ڤێ چەندێ بکن بەهانەیەك و ئاراستە بکن بو پارتی دیموکراتی کوردستان و تاوانبار بکن ب پاشگوھ خستنا ئێک ڕێزیا کوردان ل بەغدا کو د دەمەکی دا پارتی دیموکراتی کوردستان خودان مافە بو دیارکرنا کەسەکی بو ڤی پوستی کو ئێکەم پارتیە ل هەرێمێ ب ڤێ ڕێژێ کورسی ب دەست خوە ڤە ئینابن.پارتی دیموکراتی کوردستان ڕولەکێ گرنگ هەیە د سیاسەتا ئێراقێ دا نەك ژ بەر وێ چەندێ کو نوێنەرایەتیا کوردان دکت بەلکی دویر ژ ڤێ چەندێ ژی ب گرنگترین لایەن دهێتە هژمارتن و ژ لایێ گڕوپ و لایەنێن سیاسیێن دی ڤە ب لایەنەك سەرەکی دهێتە وەسف کرن و بوویە بنگەهێ دان و ستاندنا دناڤبەرا ئەکتەرێن سیاسی یێن ئێراقێ ئانکو ئەگەر پارتی دیموکراتی کوردستان نەبت خودان ڕول د مەیدانا سیاسی یا ئێراقێ دا ئالوزیێن هەیی دێ پتر ئالوزن و چارەسەریا وان دێ بیتە ئاشوپ.
- دکاری هەموو بابەتێن خۆ ببنینی….
Comments are closed, but trackbacks and pingbacks are open.