خورشید ئـەحمـەد سورچی
ئاكرێ خودان ناڤەكێ مەزن و دیرۆكەكا پڕ سەروەرییە هەر كەسەكێ گـوهــ ل ناڤێ ئاكرێ بووبیت حەزا وی ئەوە بهێتە ئاكرێ و باژێڕی ببینیت و گەشتەكا خوش بكەت بەلێ ب دیتنا من ئاكرێ حەتا نوكە یا هاتیە پشتگوهاڤێتن ل گەلەك بوارێن خزمەتگوزارییان
ڕەوشەنبیرێن باژێڕێ من جهەك نیە شەڤێ پەیڤ و هزرێن خو تێكهەل بكەن و هەیكەلەكی ژ مەعریفەتێ شوبهی هەیكەلێ یونانی دروست بكەن و هوزان و ڕۆمانان پێكڤە بەرەف عەسمانی بلند بكەن و ڕوناهیەكێ بۆ باژێڕێ منێ تاری دروست بكەن , نڤیسەر و خاندەڤان د پەرتوك خانەیێن بچیك ێن مەترونیڤ ب مەترونیڤ بەحسێ پەرتووكان دكەن , سینەماكار و دەرهێنەرێ باژێڕێ من هەمیا دەستێ مالئاوایێ بلندكر و باژێڕ هێلا , كچ و كوڕێت ئاكرێ دوور ژ باژێڕێ خو ێن دخینن .
گەشتەڤانێن باژێڕێن دی دەمێ دهێنە باژێڕێ من یان دچنە سیپەی یانژی سەبۆستی جهەكێ دی یێ گەشتیاری نیە , دەمێ نەوروزێ هزاران گەشتیارێن نافخو و بیانی دهێن سەحدكەنە مەشغەلێن ئاگری لێ دەستێ من یێ لسەر دلێ من نەكو گەنجەك بكەڤیت ژبەر نەبوونا ڕێگرێن ( مەحەجەران ) لسەر پێهاڤۆكێن بسەر دكەڤی بۆ كەلهێ .
تڕافیكا بنێ ئالەیێ مروڤ ژێ دتڕسیت , گەڕەكێن ڕوناهی و شوڕەش و شكەفتا مغارا و گەلەك گەڕەكێن دی گوندێن بچیكن دناڤ زكێ باژێڕەكێ بناڤ باژێڕ , حەژێكەرێن تەپا پێی ژی دەمێ یاریگەهەكا یازدە یاریزانی دبینن ل باژێڕێن دی سێلفیا دگەل دگرن و دهێنە باژێڕێ خۆ و ب هێلەكا ئێنتەرنێتا لاواز بەلاڤەدكەن و دلخوش دبن بڤی وێنەی , خەلكێ ئاكرێ حەتا نوكەژی لپێش كەنالێن باژێڕ و باژێڕۆكێن دی ێن كوردستانێ شەڤا خو دبورینن بێی كو وانژی كەنالەك هەبیت دەربرینێ ژ حەز و هەستێن ئاكرەییان بكەت .
ئەڤ بابەتێن من بەحس ژێ كرین دلوپەك بوو دناڤ دەریایەكا كویر و تەژی , هیڤیا من ئەوە ئاكرێژی ب كردار ببیتە باژێڕ نەك هەر ب ناڤ .
نڤیسەرێ هێژا ئەو ناڤێ لخارێ هاتیە نڤیسین لسەر ناڤێ خۆ لێبدە ئێکسەر هەموو گوتارێن خۆ ببینە یێن هاتیە بەلاڤکرن مالپەرێ زێ بادینان دا … دگەل رێز
Comments are closed, but trackbacks and pingbacks are open.