د. چنار مستەفا ئامێدی، تایبەتمەندا نەخۆشیێن ژنان و زارۆکبوونێ دیارکر رەقبوونا زکی ل دەف ژنا دوگیان ب ئێشانا زکی و بنێ زکی و پشتێ دەستپێدکەت و گۆت: ئەڤ رەقبوونە دو جور یێن ھەین ئێک یا گرێدایە ب دوگیانیێ و ئێک ژی یێ گرێدای تێکچوونێ یە و ھەکە تێکچوون چێدبن ژنێ ئاگەە ژێ نینە، بەلێ ھەکە ژان دگەل بن، وەکو ژانا زکێ وێ ئێشا، خوین و دەرھاڤێژ دگەل دیتن یان دەستئاڤا وێ یا زراف د سۆژیت، ئەڤە رامانا وێ چەندێ ددەت، ھەودانا مالبچووکی یان دەستئاڤێ یا ھەی، لەورا بۆ ئێشانا زکی د سێ ھەیڤێن ئێکێ یێن دوگیانیێ دا، دێ تەنشت و بنێ زکێ وێ ئێشن، ئێشانا پشتی ھینگی نیشانا تێکچوونێن بھێزن و یا دوێ ژی دبیت گرێدای مالبچووکێ ژنێ بیت و پێدڤی ب ( رەبتێ) ھەبیت داکو سەرئافکێ وێ نەپەقیت و زارۆک بەری دەمێ خۆ ژدایک نەبیت و گۆت: پتریا جاران ل ھەیڤێن نیڤێ یێن دوگیانیێ و یێن دووماھیێ ئەڤ چەندە پەیدادبیت و ھەکە بەری ھەیڤا نەھێ بیت، باشترە زوی سەرەدانا نۆشدارا خۆ بکەت بۆ وەرگرتنا چارەسەریێ.
دیارکر ژی، مەترسیا رەقبوونا زکی د وێ چەندێ دایە کو ژنێ بەری وەختێ خۆ زارۆک پەیداببیت، یان فالنجا مەژی بۆ زارۆکی پەیداببیت یان زارۆک نەمینیت، دەربارەی دایکێ ژی دێ گەلەک زەحمەتێ بەت ھەتا زارۆک پەیداببیت و دبیت پێدڤی ب نشتەرگەریا زارۆک ببیت.
د.چنار مستەفا ئەوژی دیارکر، ھەکە ژنێ ددەمێ دوگیانیێ دا، سەرەردانا نۆشدارا خۆ کر، ھندەک حەب بۆ دھێنەدان کو ل دەمێ رەقبوونا زکی بخۆت و ھەکە ھەودان ھەبن دێ چارەسەریا وێ ھەودانێ ھێتەکرن، و ھەکە بوو حەفتیا ٢٦ وێڤە، نۆشدار چارەسەریێن ھەناسێ دەتێ داکو ل دەمێ پەیدابوونا زارۆکی ھەناسا وی یا باش بیت و چ ئاریشە بۆ پەیدانەبن.
Comments are closed, but trackbacks and pingbacks are open.