ده‌سته‌یا ده‌ستپاكییا یا عیراقێ راگه‌هاند، رێڤه‌به‌رێ گشتى یێ كۆمپانییا گشتى یا به‌رهه‌مێن خۆراكى یا سه‌ر ب وه‌ازاره‌تا پیشه‌سازى و كانزایان دێ ب تۆمه‌تا كرینا 242 ته‌نێن شه‌كرا خراب بووى هێته دادگه‌هكرن.
فه‌رمانگه‌ها ڤه‌كۆلینێن ده‌سته‌یا ده‌ستپاكییا عیراقێ د به‌یانه‌كێ دا راگه‌هاند، دادگه‌ها تایبه‌ت یا ده‌ستپاكییێ ل پارێزگه‌ها میسان فه‌رمانا ده‌سته‌سه‌ركرنا وى به‌رپرسى ده‌ركرییه كۆ ب كرینا شه‌كرا ده‌م ب سه‌رڤه‌چووى بۆ كارگه‌ها قامیشێ شه‌كرێ یا وى باژێرى تۆمه‌تباره.
بڕا وێ شه‌كرێ ژى 242 ته‌ن بوون و بهایێ وێ 132 ملیۆن دینار بوون.
ئه‌و به‌رپرسه ل گوره‌ى ماددێ 340 یا یاسایا سزایێن عیراقێ دێ هێته دادگه‌هكرن كۆ سزایێ وێ زیندانكرنه بۆ ده‌مه‌كى كۆ ژ حه‌فت سالان زێده‌تر نه‌بیت.
Comments are closed, but trackbacks and pingbacks are open.