سەندیكا پارێزەرێن عیراقێ دیار كر كو ژ بەر كێشەیەكا خێزانی و دابەشكرنا میراتی، پارێزەكا عیراقی ب ناڤێ (أ, ف) هاتییە ئەشكەنجەدان و قوتان و سەرێ وێ هاتییە تراشین و ئەوێن ب وی كاری رابووین برایێن وێ بووینە.
وێ سەندیكایێ دیار كر ژی كو هەرچەندە وێ پارێزەرێ داگێڕان ژ مافێ خۆ د میراتی دا كریە و هەمی میرات دایە برایێن خۆ، لێ هەر دیسان ژ دەستێ برایێن خۆ رزگار نەبوویە و هاتییە ئەشكەنجەداین و سەرێ وێ هاتییە تراشین.
سەندیكا پارێزەرێن عیراقێ راگەهاند: هەرچەندە ئەڤە كێشەیەكا خێزانییە و پەیوەندی ب كارێ وێ ڤە نینە، لێ سەندیكایێ بەرپرسیارییەكا مرۆڤایەتی و دادپەروەری هەیە و دڤێت هەڤپیشەیێن خۆ ژ هەر دەستدرێژییەكێ بپارێزیت.
فەرە بێژین كو هندەك چالاكڤانان وێنەیێن وێ پارێزەرێ ل سەر تۆڕێن جڤاكی بەلاڤ كرینە و تێدا دیار دبیت كو سەرێ وێ هاتییە تراشین و هاتییە ئەشكەنجەدان.
Comments are closed, but trackbacks and pingbacks are open.