ژنــــاف بــرنا جل و بەرگێن کـــوردی

ژنــــاف بــرنا جل و بەرگێن کـــوردی
بێریڤان خضر

جل و بەرگێ نەتەوایەتی ئەو پێناسا سەرەکی یێن هەر نەتەوەیەکی دسەلمینێت، ژبلی جل و بەرگا، زمان، ئاخ، داب و نەریتێن هەر نەتەوەیەکی جاوەزە ژ نەتەوەك دی، گەلەک گرنگە کـو مروڤ ب کــویری تەمــاشەی جل و بەرگێن نەتەوا کــورد بکەت و هەول بدن ئەوی شێوازێ جوان نەشیرین نەکەت، چ بوچونێن ئاینی، مەزهەبی، کەلتوری، و سیاسی، نابنە ئەگەر بــو تێکدان و دوویرکرن و نەبەرکرنا جل و بەرگێن کوردی.

ئــەم هــەمی دڤێت بزانن ئێك ژ مــەرەمێن سەرەکی یێ دووژمنێن نەتەوا کورد ئـەوە کــو ژناڤ برنا کەلتور و جل وبەرگێن کــوردی یە، کــــو هـندەك ژ مودێلێن نەشیرین ژ جل و بەرگێن کــوردی چێدکەن، ژبــو بن برکرنا کەلتورێ رەسەنێ کوردەواری.

ئەز بخــــو دگــەل ئالوگوریا داب و نەریت، رەوشت، جل وبەرگ، جاڤ لێکرن، فـێربوونا تێشتێن باشتر ژ نەتەوەێن دی بگرن، ب مــەرجەکی کــو نــەتەوا خو ژ دەست نەدن. بـەلێ ب مـخابنی ڤــە ئالوگــوریا شێوازێ بـەرکــرنا جل و بەرگێن کــوردی و تایبەت دڤــان سـالا دا مــورا نەتەوا کــورد ب ڤــان جل و بەرگان دا نەمایە، ل هندەك جهان جهان جل و بەرگێ کوردی قیمەتێ خــو نەمایە!!
دێ بینی کومەکا گەنجان یێن رابوین بناڤێ نیوخاز یان ژی گهورین کارێن جڤاکی ئــەو مــور و کەلتورێ کــوردی ژناڤ برنە ب هندەک مودێلێن نەشیرین یێن لسەر جل و بەرگێ کوردی دەرێخستین.

ب دیتنا مــن دڤیابا رێک ل ڤان کەسان هاتبان گرتن ژ لایێ جهێن پەیوەندیدار ڤە، ئەوێن ب ڤی رەنگی سفکاتیێ ب کەلتور و جل و بەرگێ کوردی دکەن، جل و بەرگێ کوردی و تایبەت یێ ژنێ ئەو نینە کو پێت وێ ریس بن یان ژی دەست و ملێت وێ، بەروڤاژی کەلتورەک گەلەک ب ستارە بو ژنێ،
ل ڤێرێ بمخابنی ڤە راگەهاندنا مە یا کوردی رادبێت ب ڕۆلەکی نەرێنی و بانگەشەکا نەشیرین بو مودێل و جل و بەرگێن تێن دوریتن ب دەستێ هندەک دروینگەهان بناڤێ جل و بەرگێن کوردی، ئێکەم کەس یێن بانگەشێ بو وان چێدکەن بەربژێر و پەیامنێرێن کەنالێن کوردی نە، ئەو نزانن هاریکاریا دوژمنی دکەن ژبو ژناڤ برن و ژدەست دانا کەلتورێ خو،

ئــەز رەشبین نینم کــو بێژم بدەستێ ڤــان کــەسان ئــەمێ کەلتورێ خـــو ژدەست ددن، بــەلێ دبێژم دڤیابا ســنورەك بـــو وان هاتبا دانان و هــند رێک نەدابان سفکاتیێ و نەشیرین کرنا جــل و بەرگێن رەسەنێ کوردەواری بکەن،

هێڤیدارم ئــەم ژی وەکــو هــەر نەتەوەیەکی شـانازیێ ب کــەلــتور و جــل و بەرگـێ خــو یێ نەتەوایەتی بکەن، و هــەر ب وی شێوەیی بهێلن، جونکو هــەر کەسەکێ خــو ب کــورد بدانت دێ رێزێ ل کەلتورێ خــو یێ رەسەنێ کوردەواری گرت،