پەیڤدارێ پۆلیسێن هەلەبجە ڕاگەهاند، “ژنەکێ ب هەڤکاریا تۆهمەتبارەکێ ل گوندێ تاوێرە هەڤژینێ خۆ کوشت و بجی هێلا و پشتی چار رۆژان ژ دیارنەمانێ ئەڤرۆ تەرمێ وی هاتە دیتن”.
ئەڤرۆ شەمبیێ، بەرزان عوسمان پەیڤدارێ پۆلیسێن هەلەبجە ئاماژە ب وێیەکێ کر، “ل رۆژا ٢١ی ئەیلولا ٢٠٢١ێ، تاوان لێکری (ە.ڕ.م ژیێ وی ٤٠ سال) پیشەیا وی کاسبە، ئاکنجیێ ناحیا بەرزنج ل گوندێ مۆریاس ل نێزیک گوندێ تاوێرە- سەرکەن ژ ئالیێ ژنەکێ ب ناڤێ (ب.ح.م ژیێ وێ ٢٣ سالە، پیشەیا وێ ژنا مالێ یە، ناحیا بەرزنج ل گوندێ مۆریاس، بهەڤکاریا تۆهمەتبارەکێ ب ناڤێ (ح.خ.ح- ژیێ وی ٢٠ سالە و پیشەیا وی شۆفێرە، ئاکنجیێ ناحیا بەرزنج گوندێ مۆریاس دکوژیت”.
ئاماژە ب وێیەکێ ژی کر، پشتی کوشتنا وی وەلاتی لاشەیێ وی بجی دهێلیت و پشتی ڤەکۆلینەکا هویر ژ ئالیێ تیمێن ڤەکۆلینا پۆلیسان بەشێ پۆلیسێن سەیدسادق/بنگەهێ پۆلیسێن بەرزنجە، شیان تاوانلێکری پشتی چار رۆژان ژ دیار نەمانێ ل گوندێ تاوێرە ببینن.
زەلالژی کر، تەرمێ وی بۆ نۆژداریا دادا هەلەبجە هاتە ڤەگۆهاستن و تۆهمەتبارێ بوویەرێ ژی دانپێدان ب تاوانا خۆ کر ل هەمبەر داوەرێ ڤەکۆلینێ.
پەیڤدارێ پۆلیسێن هەلەبجەژی ئاماژە ب وێیەکێ کر، “بوویەر بسەدەما هەبوونا ئاریشەیەکا خێزانی بوویە و ب هەڤکاریا تۆهمەتبارەکێ دی ئەو تاوانە ئەنجامداینە و ل گۆرەی ماددەیێ (٤٠٦ی.س)یێ یاسایێ تۆهمەتباران هاتیە زیندانکرن و دۆسەیا وی بۆ ڤەکۆلینێ بۆ بوویەرێ ل بنگەهێ پۆلیسێن هەلەبجە رێکخستیە.
Comments are closed, but trackbacks and pingbacks are open.