پرۆژێن گرنگ یێن حكۆمه‌تا هه‌رێما كۆردستانێ بۆ خه‌لكێ پارێزگه‌ها دهۆكێ ب گشتى و سه‌نته‌رێ دهۆكێ ب تایبه‌تى دهێنه ئه‌نجامدان، ژڤانه ئۆڤه‌رپاسه‌كا نۆى ل دهۆكێ بهێته درۆستكرن.
ئیسماعیل مسته‌فا، په‌یڤدارێ سه‌رۆكاتیا باژێرڤانیا دهۆكێ بۆ (باسنیوز) دیاركر: “پشتى كۆ ب بریارا ، مه‌سرۆر بارزانى، سه‌رۆكێ حكۆمه‌تا هه‌رێما كۆردستانێ، ل ده‌مێن بۆرى دا چه‌ندین پرۆژێن زۆر گرنگ بۆ خه‌لكێ دهۆكێ هاتینه ئه‌نجامدان، ژ وان، درۆستكرنا جادده‌یه‌كا خزمه‌تگۆزارى و درۆستبوونا دوو ئه‌نده‌رپاسان و نها دا كار ل سه‌ر ئه‌نده‌رپاسا سیێ دهێته كرن و ژبلى ڤان، نها دا به‌رهه‌ڤى هاتینه ئه‌نجامدان ، ئه‌نده‌رپاسه‌كا دیتر ژى ل دهۆكێ بهێته درۆستكرن”.
په‌یڤدارێ سه‌رۆكاتیا باژێرڤانیا دهۆكێ بۆ (باسنیوز) دۆپات ژى كر:” دوو ئه‌نده‌ر پاس كۆ یا فه‌رماندا دهۆكێ و مزگه‌فتا شه‌هیدان دوماهى هاتنه و نها دا دخزمه‌تا شۆفێران دا یه، نها دا كار ل سه‌ر ئه‌نده‌رپاسا قۆتابخانا سه‌فین دهێته كرن كۆ نێزیكى 75% كارێ وێ ب دۆماهى هاتیه، لێ مه به‌رهه‌ڤى كرنه ئه‌نده‌رپاسه‌كا دیتر ژى بهێته درۆستكرن كۆ یا ترافیكا پانزینخانا بناڤى یه”.
گۆت ژى:” مه ب رێكێن كارگێرى داخاز ژ ئه‌نجۆمه‌نێ وه‌زیران كریه و ئه‌م چاڤه‌رێ بریارا دوماهیێ نه كۆ لدیڤ پێشبینیێن مه دێ ب كۆژمێ 37 ملیار دیناران ئه‌و ئه‌نده‌رپاسه هێته درۆستكرن و د هه‌مان ده‌مدا ئه‌گه‌ر ئه‌و هاته درۆستكرن، ل سه‌ر جاددا بارزان دێ ب دیراتیا 11 كیلۆمه‌تران شۆفێر هاتنۆچوونێ كه‌ن بێى كۆ چ ترافیكه‌ك بكه‌ڤیته سه‌ر سنیگێ شۆفێران و ئه‌ڤ چه‌نده دێ بیته ئه‌گه‌ر رۆیدانێن هاتنۆچوونێ ژى كێم ببن”.
Comments are closed, but trackbacks and pingbacks are open.