ڤالانتاين ژ كيڤه‌ هاتيه‌

ئاماده‌كرن – فوزى بهجت عبدالله

د هه‌مو سالان دا ل رێكه‌فتى (14-2) روژه‌ك هاتيه‌ ده‌ستنيشانكرن ب ناڤێ (ڕۆژا ڤالانتاین یان جه‌ژنا ئه‌ڤينارا ) ( ب عربى – عيد الحب و ب ئینگلیزی Valentine’s Day ) كو د ڤێ روژێ دا هه‌مى ئه‌ڤيندار گولێن سور ، دەستكه‌كێ گولێن بچووک، شريناهى ،نامەیەکا دڵداریێ ، چەند دێڕێن هوزانێن دڵداری پێشكێشى ئێك دكه‌ن و ديڤ بوچوونا وان دڤێ روژێ دا ئه‌ڤينا خو بهێزتر دكه‌ن و دووپات دكه‌ن كو ژدل حه‌ژ ئێك دكه‌ن و ب ڤێ روژێ دانن روژه‌كا گرنگ . ….
ڤالانتاين جه‌ژنه‌كا روژئاڤايي يه ،‌ لێ پتريا وه‌لاتان ڤێ روژێ دگرێن . لێ پتريا وه‌لاتێن موسلمانا ڤێ جه‌ژنێ ب ب گونه‌هـ دانن و دژى ئاينێ ئيسلامێ يه‌ و ل وه‌لاتێ عه‌ره‌بساتا سعودى ژى هه‌ر كه‌ل و په‌له‌كێ ب روژا ڤالانتاين ڤه‌ گرێدايى بيت قه‌ده‌غه‌يه‌ بهيته‌ فروتن .
.
ئه‌ڤسانه‌يه‌ك هاتيه‌ دروستكرن كو ب ڤێ روژێ ب ساخكرنا وێ ئه‌ڤسانێ دهێته‌ دياركرن .
ل سەدێ سێى زایینی ، سەرکردەیەک ھەبوو ب ناڤی کلۆدیۆسێ دووێ . کلۆدیۆس ھنده‌‌ك باوەڕیێن سەیرھەبوون ، برياره‌ك ده‌رخست كو نابيت سه‌ربازێن وى چ ژنا بخازن دڤێت بمينن بێ ژن و ره‌به‌ن .
کلۆدیۆس كه‌سه‌كێ بێ ره‌حم و زالم بوو و ھەر بڕیاره‌كا ده‌رخست با دڤيابا هاتبا جێبه‌جێكرن و ژ بريارا خو لێڤه‌ نه‌دبوو .
ئێك ژ سه‌ربازێن کلۆدیۆسێ دووێ هه‌بوو حه‌ش كچه‌كێ كر و هيچ سه‌ربازه‌كێ دى نه‌دشيا هاريكاريا وى بكه‌ت كو وان هه‌ردووكا بگه‌هينته‌ ئێك .
بەلي قەشه‌یه‌ک ب ناڤێ ڤالێنتاین ( ڤالێنته‌نیوس ) هات و ب دزی ڤه‌ ئه‌و سەرباز دگه‌ل وێ كچا حه‌ژێ دكر ماره‌كرن و گه‌هاندنه‌ ئيك .
پاشان کلۆدیۆس ئاگه‌هدارى ڤى بابه‌تى بو بڕیارا زیندانكرنا ڤالێنتاینی ده‌ركر. ڤالێنتاین دناڤا زیندانێ دا ئاشقی کچه‌كێ بو د زيندانێ ڤه ‌، ب ڤى جورێ ئه‌ڤسانه‌يه‌ كو تێدا هاتى ڤالێنتاین نامه‌يه‌كي بۆ وێ کچێ دهنێريت و ل سه‌رى دنڤيسيت كو ژ ژ لايێ ڤالێنتاینێ ته (From Your Valentine) و دبێژتێ : ‌ د راستى دا قەشەمه‌ ئه‌س ب تاوانا لێک مارەکرنێ بريارا سێداره‌دانێ بومن ده‌رخستيه‌ ژلايێ کلۆدیوسی دووێ ڤه‌ و و پاشان هاته‌ زينداكرن .
ڤالێنتاین وەکوو ھێمایەکێ عەشقێ و شەھیدێ رێكا عەشقی دهێته‌ نياسين ………..
لێ دوماهيێ دێ بێژم ئه‌م وه‌ك موسلمان و كورد : پێتڤى ب چ روژان نينين ب ناڤێ حه‌ژێكرنێ و ڤالنتاينێ به‌لكو ئه‌م پێتڤى ب هنده‌ك كه‌ساينه‌ كو بكێر حه‌ژێكرنێ بهێن و حه‌ژێكرنا ژدل هه‌مى روژێن وان حه‌ژێكرن يا تێدا نه‌كو بتنێ روژه‌كا دياركرى . …..

• دکاری هەموو بابەتێن خۆ ببینی…