زانایێن چینێ ڤایرۆسه‌كێ نوى ئاشكه‌راكر كۆ ژ گیانه‌وه‌ران دهێته ڤه‌گۆهاستن بۆ مرۆڤان.
زانایێن وه‌لاتێ چینێ ڤایرۆسه‌كێ نوى ب ناڤێ لانگیا هێنیپا ئاشكه‌راكر كۆ ل پارێزگه‌هێن شاندۆنگ و هێنان یێن وى وه‌لاتى سه‌رهلدایه و تا نوكه 35 كه‌س توشبووینه، و نیشانێن وى ڤایرۆسى ژى تا و كۆخك و لاوازبوون و وه‌ستیانه.
د ڤه‌كۆلینێن ده‌ستپێكێ دا دیاربوویه كۆ ئه‌و ڤایرۆس ژ گیانه‌وه‌ره‌كى كۆ سه‌ر ب خێزانا مشكان ڤه هاتییه ڤه‌گۆهاستن و ناڤێ وى ب زمانێ ئنگلیزى شروسه، لێ تا نوكه پشتراست نه‌بوویه ئه‌و ڤایرۆسه دناڤا مرۆڤان دا دهێته ڤه‌گۆهاستن یان نه.
ڤه‌كۆله‌ر وانگ لینفا ژ كۆلیژا دیوك ئێن یو ئێس یا پزیشكى ل سنگافوره ژى راگه‌هاند، كه‌یسێن ڤایرۆسێ لانگییا هێنیپا یێن كۆ هاتینه دیتن نه دكۆژه‌كن و نیشانێن وى ژى گه‌له‌ك د گران نینن و پێدڤى ب ترسێ ناكه‌ت.
سه‌نته‌رێ ئه‌مریكى یێ كۆنترۆلكرنا نه‌خۆشیان و پاراستنێ ژى هۆشدارییێ دده‌ت و دبێژیت: ژ هه‌ر چار نه‌خۆشییێن ڤه‌گر دناڤ مرۆڤان دا، سێ ژوان دێ ب رێیا گیانه‌وه‌ران هێنه ڤه‌گۆهاستن.
Comments are closed, but trackbacks and pingbacks are open.