ڤه‌كۆله‌رێن په‌یمانگه‌ها ڤه‌كۆلینێن زه‌هایمه‌رێ ل بریتانیا ده‌رمانه‌ك بۆ كێمكرنا نیشانێن زه‌هایمه‌رێ پێشنیازدكه‌ن، كو دشێت ل قووناغێن ده‌ستپێكێ یێن نه‌خۆشییێ كارتێكرنێ لسه‌ر كێمكرن و داخستنا نیشانێن وێ بكه‌ت.
ڤه‌كۆلین ل كوڤارا نیۆئینگلاند یا نوشدارى هاتییه به‌لاڤكرن و دیاردكه‌ت، ده‌رمانێ نوو دشێت رێگرییێ ل ژ ناڤچوونا خانه‌یێن مێشكى بكه‌ت و ب هێرشكرنا لسه‌ر خانه‌یێن ئه‌مایلۆید نیشانێن زه‌هایمه‌رێ كێمبكه‌ت.
پرۆفیسۆر جۆن هارد و هاریكارێن وى ل په‌یمانگه‌ها ڤه‌كۆلینێن زه‌هایمه‌رێ ل بریتانیا ده‌رمانێ لیكه‌ینماب (lecanemab) درووستكرییه، كو كۆمپانییا Eisai یا ژاپۆنى ب هه‌ڤكارى دگه‌ل كۆمپانییاBiogen یا ئه‌مریكى به‌رهه‌مئینایه، ئه‌و ده‌رمانه هێرشى خانه‌یێن ئه‌مایلۆیدى ل ناڤا مێشكى دكه‌ت و نیشانێن زه‌هایمه‌رێ گیروو دكه‌ت.
سه‌رپه‌رشتێ ڤه‌كۆلینێ پرۆفیسۆر جۆن هاردى د بێژیت: بۆ ماوێ 30 سالایه هێرشكرن بۆ سه‌ر خانه‌یێن ئه‌مایلۆید هاتییه پێشنیازكرن، تاقیكرنێن ده‌رمانێ لیكه‌ینماب په‌یوه‌ندى دناڤبه‌را ژناڤبرنا ئامایلۆید و كێمكرنا نیشانێن نه‌خۆشییا زه‌هایمه‌رێدا پشتراستكرینه.
ل دووڤ زانییارییێن مایۆكلینیك یا ئه‌مریكى، ئه‌مایلۆید پرۆتینه‌كه ژ ڤالاهییێن دناڤبه‌را ده‌مارێن مێشكێ ئه‌وان كه‌سێن تووشى زه‌هایمه‌رێ دبن كۆم دبیت و گرێیێن جوودا دمێشكیدا درووست دكه‌ت.
ئه‌نجامێن ئه‌ڤێ ڤه‌كۆلینێ ل كۆنفرانسێ تاقیكرنێن نوشدارێن زه‌هایمه‌رێ ل سانفرانسیسكۆیا ئه‌مریكا هاتنه راگه‌هاندن، و ئێك هزار و 795 توشبوویێن زه‌هایمه‌رێ پشكدارى تێدا كربوو كو هه‌موو ل قووناغا ده‌ستپێكێ یا نه‌خۆشییێ بوون، پشكداران ب رێكا خوینهێنه‌ران بۆ ده‌مێ 18 هه‌یڤان ده‌رمان وه‌ردگرت، و پشتى ئه‌وى ده‌مى ده‌ركه‌ڤت نیشانێن وان برێژه‌یا 27% كێمبووینه.
ل دووڤ ئامارێن رێكخراوا ساخله‌مییا جیهانێ، زێده‌تر ژ 55 ملیۆن توشبوویێن زه‌هایمه‌رێ ل جیهانێ هه‌نه، و شاره‌زایێن رێكخراوێ پێشبینى دكه‌ت هه‌تا سالا 2050ێ توشبوویێن زه‌هایمه‌رێ بگه‌هنه 139 ملیۆن كه‌سان.
بلند بهجت
Comments are closed, but trackbacks and pingbacks are open.