سەرۆک وەزیرێن عێراقێ بریاردا دەملدەست ڤەکولینێ ل سەر هێرشا شەڤا دەربازبووی بۆ سەر بالەفڕخانەیا ناڤدەولەتیا هەولێرێ و بارگەهێ سەربازیێ تورکیا ل باشیک بکەتن و دبێژیت ژی، هندەک بزاڤان دکەن ئالوزیێ دروستبکەن و ئاسایش و سەقامگێریێ تێکبدەن، ئەوژی کارەکێ ڕەتکریە و دێ رووبروویێ یاسایێ هێتەکرن.
مستەفا کازمی بەحسا وێیەکێ ژی کر، “ئاسایشا عێراقێ بەرپرسیارەتیا حکومەتێ و هەموو هێزێن دی یێن ئەولەکاریا عێراقێ یە، ئارمانج ژ وی کارێ تیرۆرستی ژی کو د مەها رەمەزانێدا هاتیەکرن تێکدانا ئاسایشێ بوویە”.
سەرۆک وەزیرێن عێراقێ ڕاگەهاندیەژی، “هندەک کەس بزاڤان دکەن ئالوزیێ دروستبکەن و ئاسایش و سەقامگێریێ تێکبدەن، کو ئەڤەژی کارەکە رەتکریە و ئەنجامدەر دێ رووبروویێ هێزا یاسایا و گەلێ عێراقێ بن”.
ئەو ژی د دەمەکی دایە، دەمژمێر 9:45 خولەکێن شەڤا دەربازبووی هێرشەک بۆ سەر بالەفڕخانەیا ناڤدەولەتیا هەولێرێ هاتە ئەنجامدان و پشتی چەند خولەکان ژ وێ هێرشێ، چار موشەکێن دی ژی ئاراستەی بارگەهێ سەربازیێ تورکیا ل باشیکێ هاتنە کرن .
پشترە وەزارەتا نافخۆیا حکومەتا هەرێما کوردستانێ د ڕاگەهاندنەکێ دا بەلاڤرکریە، “پشتی ڤەکولین و دیفچوونا دەزگەهێن پەیوەندیدار ژبوی سەدەمێ تەقینا ئەڤ شەڤەیا سەر بالەفڕخانەیا ناڤدەولەتیا هەولێرێ، دەرئەنجام دەرکەتیە کو هێرش ب بالەفڕەکا بێ بالەفرڤان یا تین تیکری بوویە و ئاراستەی بارگەهێ هێزێن هەڤپەیمانان دناڤا بالەفڕخانەیێ دا هاتیە کرن “.
ئاماژە ب وێیەکێ ژی کربوو، وێ هێرشێ زیانێن گیانی نەبوون و بتنێ زیانێن ماددی بەر ب ئاڤاهیەکێ کەتنە. هەڤدەم گوت ژی ڤەکولین دێ بەردەوام بن
Comments are closed, but trackbacks and pingbacks are open.