بڕیارە حکومەتا ھەرێما کوردستانێ کارەبا نیشتیمانی بدەتە کەرتێ تایبەت و پەیڤدارێ وەزارەتا کارەبێ ژی ئاشکرا کر، لژنەک ژلایێ سەرۆکاتییا جڤاتا وەزیران ھاتییە پێکئینان و دێ بڕیارێ ل سەر دەت.
ئومێد ئەحمەد، پەیڤدارێ وەزارەتا کارەبێ بۆ خانی دیار کر” دانا کارەبێ ب کەرتێ تایبەت د قووناغێن دووماھییێ دایە و ژلایێ سەرۆکاتییا جڤاتا وەزیران لژنەکا تایبەت ھاتییە پێکئینان، نێزیک دێ بڕیار ل سەر پێدانا کارەبا نیشتیمانی ب کەرتێ تایبەت ھێتە ئێکلا کرن، چەندین کۆمپانیێن نافخۆ بیانی ژی داخوازیێن خۆ پێشکێش کرینە بۆ برێڤەبرنا کارەبێ.
ناڤهاتی گۆت ژی” نابیت وەلاتیان ترس ھەبیت ل سه‌ر کەرتێ تایبەت، چونکی چو کاریگەری ل سەر وەلاتییان نابن، بەرۆڤاژی دێ مفایەکێ زۆر بۆ کەرتێ کارەبێ ھەبیت، چونکی دێ کارەب ھێتە کۆنترۆل کرن و دەمژمێرێن کارەبێ ژی دێ ھێنە زێدە کرن، ژبەرکو بەردەوام دێ چاڤدێری و سەخبێری ل سەر تۆرێن کارەبێ ھەبن.
ئاژانسا خانی
Comments are closed, but trackbacks and pingbacks are open.