کاسبکارێن سلێمانیێ بسەدەمێ نەبوونا خزمەتگوزاریان و زێدەهیا باجێ و پارەیێ تابلۆیێن دوکانێن وان؛ خۆپێشاندان ئەنجامدا و جاددا ٦٠ مەتریا سلێمانیێ گرتیە و رێکێ ب هاتن و چوونێ نادەن.
کاسبکارێن پێشەسازیا سلێمانیێ خۆپێشاندان دەستپێکر و ئاماژە ب وێ یەکێ کریە، خزمەتگوزاری گەلەک د کێمن و زێدەباری وێ یەکێ ژ ئالیێ کۆمپانیەکێ کو مۆلەتا جڤاتا وەزیران هەیە داخازا باجەکا زێدەتر ژێ دهێتە کرن و ب وی رەنگی بچیت پێدڤیە سالانە پارەیەکێ زێدە ب حکومەتێ بدەن و ئەوژی بۆ وانا دەرناکەڤیت و وەسا بیت دێ دوکانێن خۆ گرن.
بەحسا وێ یەکێ ژی کریە، زێدەباری بهایێ پەتڕۆلێ گەلەکێ بلندە پێدڤیە حکومەتێ پترین داهات هەبایە د ڤێ مەهێدا لێ بەنزین گرانە و ئاڤ گرانە و کارەب گرانە و ژیان یا گرانە و هندی بچیت رێژەیا باجێ ژی لسەر وان گران دکەن.
ئێک ژ کاسبکاران ئاماژە ب وێ یەکێ کر، خۆپێشاندان بۆ وێ یەکێ یە بێژین هەمی تشتەک دژی خەلکینە، بلندبوونا بهایێ دۆلاری ژی کەلوپەل گران کرینە و بلندبوونا بهایێ ڤەگۆهاستنێ دووبارە گرانکرینە و زێدەکرنا بهایێ لسەر خۆدانێن دوکانان ب هەمان رەنگی باندوری لسەر خەلکی هەیە و کەلوپەل گراندبن و بتنێ خەلک باجا وێ یەکێ ددەن.
کاسکار بەحسا وێ یەکێ دکەن، ب هەبوونا چینکویێ سەر دوکانان و تابلۆیێن دوکانێن وان و راوەستاندنا ترۆمبێلان ل پێشیا دوکانێن وان و حەتا ئەگەر ئاڤ ژ سەر بانێ دوکانان بهێتە خارێ پارەی ژێ وەردگرن.
درەگیێن شەڤا دەربازبووی، لسەر جاددا ١٠٠ مەتریا هەولێرێ کاسبکاران خۆپێشاندان ئەنجامدا و نەرازیبوونا خۆ دیارکر، ل دژی تێکدانا بازارێ وان و ژناڤبرنا عەرەبانە و کەلوپەلێن وان ژ ئالیێ باژێرڤانیێ ڤە.
ئەڤە ددەمەکیدایە، هەر دوهی پشکەک ژ شۆفێرێت قەزایا رانیا دژی بلندبوونا بهایێ بەنزینێ خڕڤەبوون و ڕاگەهاند، ئەگەر بهایێ بەنزینێ کێم نەبیت دێ درێژیێ ب خۆپێشاندان و خڕڤەبوونێ دەن و دێ نەچاربن کرێیا ڤەگۆهاستنێ لسەر وەلاتیان گرانبکەن.
ژێدەر ئێن ئارتی
Comments are closed, but trackbacks and pingbacks are open.