کوردستانا مە ژ هەمی قودسا پیروز ترە

کوردستانا مە ژ هەمی قودسا پیروز ترە

بێریڤان خدر
زاخـۆ 11/5/20

ئـەگەر ئەم بێ ئاخ مان ئەم دێ بێ دین و نامیس و کەلتور ژی مینن
ئەگەر ئاخا مە هاتە داگیرکرن بێ گومان مزگەفت و پرستگەهـ ودێر و مەزارگەهـ ژی دێ چن مینا #شنگالێ

ئەگەر ئەم دەستێ خۆ نەدانن سەر برینا خۆ و بدەستێ خۆ دەرمان نەکەن چ وەلاتێن عەرەبی و ئەوروپی بۆ مە برینێن مە ساخ ناکن، بەروڤاژی ئەو پێکولا ژناڤ چوونا مە کوردا دکەن بۆ وان (هندی زویترە چێترە)

بۆ نموونە بەری چەند سالێن نە دویر، هندەک بێ دین و بێ وژدانا دوو پارچێن کوردستانێ داگیرکرن و هەتا نوکە ژبەر برینێن وان ئەم دنالن ئەو ژی (عەفرین،کەرکوکا) دلێ کوردستانێ بۆ، دەولەتێن عەرەبا پێکڤە دەست قوتان و پیروزباهی ل وان کرن دەولەتا ئێکێ فلستین بۆ،

هـــــەر وەســا ل 25/9/2017ــێ ئێکەم دەولەتا عـەرەبـی نەرازی بوونا خۆ دژی رێفراندوما کوردستانێ دایی دیارکرن ئەو ژی فلستین بوو،

دیـسان ل 16/3/1988ـێ دەما رژێما گوربەگور باژارێ حەلەبچا شــەهید کیمیا بارانکری و هزارا قوربانی و شەهید مە کوردا ل وێ ڕۆژا رەش دایین، هەر فلستین ئێکەم وەلات بوو دەما گوتی ( بلا کیمیایێ ل کوردا ب رەشینن، ما خۆ گولا پێ وەرناکەن)؟

ئەڤە هەر ئەو فلستینەیە یا کو ل قودسێ گازیا خو دگەهینێت ( صلاح الدین الٲیوبی)
ئەڤ بتەنێ چەند خالەک بجیک بوون من بۆ وە دایی دیارکرن کا عەرەبا و تایبەت فلستینێ چ بسەرێ کوردا کریە، ئەگەر بچی مێژوویێ بخۆینی دێ گەلەک تشتێن وێرانتر تێدا بینی کا عەرەبا بناڤێ ئاینێ ئیسلامێ چ بسەرێ کوردا ئیناتە،

بەلێ ب مخابنیڤە ئەڤە سەرێ چەند ڕۆژایە گەرمە گەرما خەلکێ مە یە لسەر تورێن جڤاکی هەڤ خەمیا خۆ بۆ قودس و خەلکێ وێ رادگەهینن.

ئەم موسلمانن و مە چ ئاریشە و جیوازییا ئاینی دگەل وان نینە، بەلێ ئەو ئاینی بۆ خۆ دکەن رێکەک داکو بگەهن ئارمانج و مەرەمێن خۆ،
ب مخابنیڤە مە کوردا ژی بتەنێ چاڤێ عاطيفێ بەرێ خو دایە ڤێ جیهانێ، ما هەتا کەنگی بوو خەلکێ ئەم دێ دعاطفی بن و ئەو بو مە دوژمن بن.

راستە دەما دبێژن ( خودانێ مری کورەیە ) ئەز بخودێ کەم ئەگەر ئەم کورد هوسا خەمخوربان بۆ کەرکوکا دلێ کوردستانێ نەها دا ژ مێژڤە ل باوەشا کوردستانا پیروزبایە.

بەلێ بـ لێبورین ڤە بتەنێ ئەم بۆ هەڤ خەمیا دوژمنا دزیرەکەن و بۆ شکاندنا ئێک و دوو،
هندی هوین حەش خەلکێ بیانی دکەن وە حەش مللەت و دوزا نەتەوا خۆ کربا و برایەتی وە دورست کربا چجارا چ دوژمنا نەدشییا وە.. باش بزانن هوین بۆ چ دەولەتا خەم نینن هەمی ژی هێڤیا وان ئەوە ئەڤڕۆ کوردستان ب گشتی بهێتە ئەنفالکرن ژ بەری سوبەهی، بلا ئەم هەمی ئێک دەست و هەست و سوزبن بۆ نەتەوە و مللەتێ خۆ، ئەگەر یا وان قودس موبارەک بیت یامە کوردا
کـــــوردســتان پیروزترە ژ هەمی پیروزیێن وان…