کورد و دەولەت بوون …!؟

سالح ئەرتیسی ( پشکا چارێ)
گراھام فولەر دەربارەی پروژێ BOP چ د بێژیت:

فولەر ستراتیژیست و شارەزایێ ب ناڤ و دەنگێ ئیسلامێ کو د سالێن ھەشتێیاندا بەرپرسێ ( ھەوالگێریا نیشتمانی بۆ ھەرێما نێزیک و باشورێ ئاسیا) ل ( CIA) کارکریە و ئێکە ژ ئەندامێن نڤیسەر یێن توێژینەوەیا رێکخراوا RAND.
د پەرتوکا ( داھاتیێ ئیسلاما سیاسی ) دا، کو پشتی راپورتا راند بەلاڤکریە، د بێژیت:
ئێک ژ ئارمانجێن سیاسەتا ژ دەرڤە یا ئەمریکا روشەنبیریا چاکسازیا ئیسلامێ یە کو ئیسلام بیت د ھەمان دەم دا لیبرال ژی بیت.
بو ڤێ مەبەستێ ژی پێتڤیە پشتەڤانی ل فەتحلا گویلەن بھێتە کرن. کو خودانێ ٢٣٦ قوتابخانا ل تورکیا و ٢٨٠ قوتابخانا ژ دەرڤەی تورکیا و نێزیک ٢٠٠ دامەزراندنێن ئاینێ و ٢١١ کومپانیێن بازرگانی یە.
ھەر وەسا بزوتنەوەیەکا ئیسلامی یا لیبرالە کو دشێت رومالەکا کاریگەر د ( بوپ) دا بکەت. ( فولەر ١٩٩٣- ٢٠-٣٦)

ھەر د کتێبا سەری دا ئاماژە دایە ھندێ کو، مودرێنکرنا جیھانا ئیسلامی چ دور یان نێزیک دێ ھێتە جھ بەجھکرن، ئەڤەژی ژبوی کونترولکرنا( ئورئاسیا) یە.

ئەڤ ستراتیژیە ژ لایێ ( برزێزینسکی) ل سەر مێزەکا سەترنجێ ھاتیە کولان تایبەت ژی نەخشەیێ وزێ و ھێلێن ڤەگوھاستنێ کو ل ئور ئاسیا ل ژێر کونترولا ئەمریکا دانە. ئەرکێ سەرەکی یێ ئەمریکا ئەوە کو رێگریێ بکەت د ململانێ یا ئاسیای و ئەوروپادا و روژھەلاتا ناڤەراست و سەرھەلدانا ھەر زلھێزەکا دی ( شەرێ روسیا و ئوکراینا ژی باشترین بەلگەیە ) کو ھەڤرکیەک پەیدا ببیت مەترسی بیت ل سەر بەرژەوەندیێن ئەمریکا ( برزێزینسکی ،١٩٩٧، ٢٤)

پاشان د لێگەریانا گومانلێکریێن کودەتایا ١٥ تەموزێ یا تورکیا، شکایەت ل سەر گراھام فولەر ھاتە تومارکرن وەک کەسەک کو دەست د ڤێ کودەتایێ دا، ھەبۆ پاشان بریارا گرتنێ ژ لایێ تورکیا ڤە بۆ دەرچوو، لڤێرە چەند پرسیار دھێنە پێش
ئایا فولەر دژی ڤی پروژەی بۆ؟
یان کەسەک بۆ دژی ئیسلاما مودرنا پروژێ ئەمریکی؟
ئەمریکا وەک پێتڤی بوچی ل سەر ئەندامەکێ بەرێ یێ (سی ئای ئەی) نەھاتە دەنگ ؟

‏Salih Ertîsî
تێبینی//
دێ ( مەودایێ پروژێ روژھەلاتا ناڤینا مەزن BOP) بابەتێ پشکا پێنجێ بیت