کوچکا سپی یا ئەمریکا ب توندی ئیدانەیا تۆپبارانا ئیرانێ بۆ سەر دەڤەرێن هەرێما کوردستانێ دکەت و ب بنپێکرنا سەروەریا عیراقێ و گەلێ وێ وەسف دکەت.
ئه‌ڤرۆ چوار شەمبی 28 ئەیلولا 2022 د بەیاننامەیەکێ دا، جاک سولیڤان، شیرەتکارێ ئاسایشا نشتیمانی یا ئەمریکا ب توندی ئیدانەیا هێرشێن ئیرانێ بو سەر دەڤەرێن هەرێما کوردستانێ کر و پشتەڤانیا واشنتن بۆ هەرێما کوردستانێ دوپاتکر.
شیرەتکارێ ئاسایشا نشتیمانی یا ئەمریکا ئاماژەکریە، تەهران نەشێت سەرەنجێ لسەر ئاریشێن ناڤخۆ و نەرازیبوونێن وەلاتێ خۆ ب هێرشکرنێن دەرڤەی سنوورێن لابدەت.
د بەیاننامێ دا هاتیە، کوچکا سپی دێ یا بەردەوام بیت لسەر سەپاندنا سزایان لسەر تەهرانێ، بۆ راگرتنا لڤینێن وی وەلاتی لسەر تێکدانا ئاسایش و ئارامیا دەڤەرێ.
سولیڤان دوپاتکریە، رێزگرتن ل سه‌روه‌ری و ئێک پارچه‌ییا وەلاتێن جیران ژ بنەمایێن جێگیرکری یێن نەتەوێن ئێکگرتییە.
Comments are closed, but trackbacks and pingbacks are open.