دپڕانیا سستەمێن جیهانیدا کەسێن سەرکەفتی دکارێن خودا ، داهێنەر ، مروڤێن زانا و ب لیمەت دهێنە خەلاتکرن دهێنە پلە بەرزکرن باوەریا مللەتی و دەستهەلاتێ بدەستڤە دئینن پوستێن باشتر پێ دهێنەدان دەست خوشی لێ دهێنە کرن بکورتی و کوردی کەسێن هەژی دانە جهێن هەژی ئانکو پوستێن باش وگرنگ بو کەسێن شارەزا و سەرکەفتی دهێنە دابینکرن .
مخابن ئەز ڤێ چەندێ بڕێژەکا بلند نابینم نە لدام و دەزگایێن حکومی و نەژی لئورگانێن حزبی ئەگەر هەبن ژی گەلەك دکێمن .
ئەڤا ئەز دبینم پتر سستەمێ هوز و ئیجاخایە ( عەشائیریە) ، واستەکاریە ، مروڤ مروڤکانێیە مەللاقیە وووو ………. مخابن ئەف سستەمە زورێ زال و بەرچاڤە دناف جڤاکێ مەدا .
یا ژڤێ هەمیێ وێرانتر و کمباختر کەسێن کێمتر خەم دئەرکێ خودا ، نەزان و نەشارەزا و بێ سەربوڕ دڕێڤەبرنا کارێن خودا ئەو دهێنە پلە بەرزکرن و خەلاتکرن و پوستتن مەزنتر پێ دهێنە دان ئەو پوست گەلەك ژهزر و شیانین وان بلندترن .
“ئەڤا ئەز دبینم پتر سستەمێ هوز و ئیجاخایە ( عەشائیریە)”
ئەو هەمی ژ.ی لئالەکی مەللاق و دز گەندەل و دوو ڕوی و حەمێت حەفت ڕەنگ لئالەکێ دی ڤێجا دێ ب بەژن و بالا سەیدای بێژن ، جار دێ کەنە وەلی جار دێ کەنە سوقرات جار دێ کەنە ئینشتاین جار ئەدیسون جار عەمێ گوزێ قارەمان و جاڤ نەترس ……………….
ڤێجا دێ پەسنا سەیدای کەن دێ ببەژن و بالا وی بێژن گەلەك باشبو تو هاتی سەیدا گەلەك کەیفا مە یا هاتی ئەو سەیدایێ بەری تە چ نەدزانی ئەف جهە هەما هەژی تەیە بو تە یێ کەرکری ژملێت تە دخوت حال چ حال هەر ئەو دەف خوشی بو سەیدایێ بەری وی ژی دکر و بو یێ دیف ڕاژی دهێت هەردێ وێ دەف خوشیێ و ێ مەللاقیێ کەن .
نمونەژی گەلەکن بتنێ دێ ئاماژێ ب کەهرەبێ کەین ، بخودانێت موەلیدا و لیجانێن موەلیدا کەین ، گرانیا پەنزینێ و خرابیا کوالێتیا وێ کەین ، قەیران لدیف قەیرانێ و غاز نەما لبن قازانێ کەین ، کێمیا موچەی و گرانیا بازاڕی کەین ………… حت .
بتنێ ژمن دهێت ئەڤێ بێژم ؛
کوڕێ حەلێ تو هەر مایە لوێ مەڕحەلێ
یان ژی بێژم ؛
ڕابە حەلێ تە ئەف حالە پیروزبیت
ڤێ مەڕحەلێ باشە مروڤ بێ هوشبی
بو ڤێ هەلێ دیروکێ پێنوس نەکەن
چونا چەلێ بلا بو مە سەربوڕبیت
شەریف ئامێدی 7 / 7 / 2022
- دکاری هەموو بابەتێن خۆ ببینی ….
Comments are closed, but trackbacks and pingbacks are open.