کچەکا دلوڤان

. سەرھاتیەکا جەرگ بڕ ….
………………………
کرمانجیکرن: محەمەد گڤاری
گەلەک جاران دناڤ جڤاکێ مە ئینانا زارۆکێن کچ ژلایێ ژنێن کورد بوویە جھێ دلگرانییا زەلامێ کورد ، نەخاسمە دەمێ زەلام دبینیت بوویە خۆدانێ چەندین کچان و چ کور نەبن ، ، دناڤ جڤاکێ مە دبێژن ھەر کەسێ چ کور نەبن یان بتنێ کچ ھەبن یان ھەردوو نەبن دبێژن فلان کەس یێ مال میرات و بێ زوریەتە ، دا پێکڤە گوھدارییا ڤێ سەرھاتییا جەرک بڕ بکەین ……،،،
ماموستایەکا کچ و یاجوان ب ڕەوشت رۆژانە قەستا خاندنگەھێ دکر بۆ وانە گوتنێ بۆ خویندکارێت خۆ ، ژبەر دلوڤانییا وێ بۆ خویندکاران گەلەک ڕێز ل کەساتییا وێ ژئالیێ ماموستایێن خویندنگەھێن دھاتە گرتن و ب ماموستەیەکا زیرەک و چەلەنگ د ھاتە نیاسین . رۆژەکێ خویندکارەکا کچ دناڤ پولێدا گوتە وێ مامۆستایێ ژییێ تە چەندە؟ گوتێ (٣٠) سالن ، وێ خویندکارا کچ گوتە ماموستایا خۆ ئەرێ بۆچی شوی ناکەی تۆ ماموستایەکا ب ڕەوشت جوانی، ماموستایا کچ گۆتە خویندکارێن د پولێ ڤە گوھداریا من بکەن دێ سەرھاتیەکێ بۆ وە ڤەگێرم.
دبێژن زەلامەکی خودێ (٤) کچان دانێ لەوما گوتە ھەڤژێناخۆ پشتی (٤) کچان من دڤێت بۆ جارا بھێت تە کورەک ھەبیت ئەگەر نە ئەز ڕازینابم جارەکادی دۆ گییان بی ، ئەگەر ڤێ جارێ ژی ھەر کچ بیت ئەز رێکێ نادەم کچا (٥)ێ خۆدان بکەی و ئێدی ئەو دمالا من ڤە مەزن نابیت و ئەز نکارم کچا ب خۆدان بکەم و ب دەمە خەلکی، ھەڤژیناوی گوتێ ئەرێ ئینانا زاروکەکێ نێر ب دەستێ منە ئەڤە بڕیارا خودێ یە کەس نەشێت ڕێگریێ ل فەرمان و بڕیارێت خودێ بکەت ، مەژیێ خۆ بینە سەرێ خۆ ئەڤە نە گوتنە تو دبێژیەمن ، زەلامی گوت ھەوجەی ھێڤە و وێڤە ناکەت ئەز یێ ڕژدم لسەر ئاخفتناخۆ دێ وێ کەم ئەوا دسەرێ من دا ، رۆژ ھاتن و رۆژ چوون ھەڤژینا وی زەلامی خودێ کچەکادی دایێ و بوونە خۆدانێن پێنج کچان ، دەمێ زەلام پێحەسیای خودێ کچەکادی ب رزقێ وان کریە گەلەک دل گران بوو ، ناڤ چاڤێت وی بوونە گرێ و تێکچۆ، گوتە ھەڤژیناخۆ وێ کچێ بدەف من ، ژناوی گەلەک ھیڤی لێکرن کو ڤێ کچێ چ گونەھاخۆ نینە بھێلە خودانکرناوێ خەمامنە ئەوژی جەگەرا من و تەیە وەکی ھەرچار کچێن دی ، بەلێ زەلامێ وێ گوت من بەری نوکە بریارخۆ یادای و ئەز لێڤەنابم ، ژبەر ھندێ کچا ساڤا یا ئێک رۆژی لبەر سینگێ ھەڤژیناخۆ ڕاکرو برە حەوشا مزگەفتێ دانا بەلکو کەسەک بھێت و .. وێ کچێ ببەت و ب خۆدان بکەت و جارەکادی وێ کچا ساڤا نەبینیت ، پشتی زەلام ڤەگەریای ھەڤژیناوی ب چاڤێن پڕ روندک و گری گوتێ کانێ کچامن تە کیڤەر بر ، زەلامی گوتێ من کچاتە برە مزگەفتێ بەلکو کەسەک گوھ ل گریا وێ بیت و ببەت بۆ خودانکرنێ چونکی ھندەک یێت ھەین بێ زاروکن ، دەمێ بوویە نڤێژا مەغرەب وی زەلامی قەستا مزگەفتێ کر بۆ نڤێژێ و ھەروەسا دا تشتەکی ژچارەنڤیسێ کچاخۆ بزانیت ، ل نڤێژا مەغرەب دیت ئەو کچ ل جھێ خۆ مایە و کەسێ نەبریە ژبەر ھندێ وی زەلامی پشتی نڤێژێ برە مالاخۆ داف دەیکاوێ داکو شیری بدەتێ چونکی ژبرسان دا گەلەک یادکەتەگری ، دەمێ دایکێ کچاخۆ دیتی جەرگێ وێ سوت و کرە گری و گوتە ھەڤژینێ خۆ چەوا تە ئەڤ کارە کر ئەرێ تو نوزانی جەگەر چییە ؟ زەلامی ب تورەیی ژ ھەڤژیناخۆ ڤەگێرا و گوتێ ھزر نەکە من بۆتە ئینایەڤە بەلێ ژبەر شیر دانێ ھەتا نڤێژا سپێدێ دێ جارەکادی دگەل خۆ بەم و دانمە ھەمان جھی بەلکو ڤێ جارێ ئێک بۆ خۆ ببەت ، لێ ھیڤی و گری و زێمارێن دایکا دلوڤان بێ ئەنجام بوون ، بەرێ نڤێژی ڤی زەلامی کچا ساڤا دانا بەر ملێت خۆقەستا مزگەفتێ کر و کچاخۆ دانا کوژیەکێ مزگەفتی ، ھەتا نڤێژا نیڤرۆ جارەکادی قەستا مزگەفتێ کر بۆ نڤێژێ ، دیت کچاوی یامای و ژبرسان یادکەتە گری و کەس لێ نەبوویە خۆدان لەوا جارەکادی ڤەزڤراندە دەف دەیکاوێ بۆ شیردانێ ، بۆ دەمێ (٧) رۆژان ل ھەر پێنج نڤێژان ئەڤە کارێ زەلامی بوو ، رۆژانە کچا خۆ برە مزگەفتێ بەلێ چ کەسان ئەو کچ نەبر بۆ خۆدانکرنێ ، ل رۆژا حەفتێ ھەڤژیناوی گوتێ ما ھەتا گەنکی دێ ڤێ کچا ساڤاو بێ گونەھ بەیە مزگەفتێ ئەرێ ئەڤ دلڕەقیاتە چما بۆیە کەرب و کین دسینگێ تەدا ئەڤەژی ھەر کچاتەیە وەکی ھەر چار کچێن دی ئەز ھیڤی ژتە دکەم جارەکادی ڤێ کچێ نەبە مزگەفتێ ، ڕەوشامن گەلەکا تەنگاڤە من چ خوشی نەماینە ژبەر دلڕەقیاتە ، شەڤ و رۆژ چاڤێت من ژروندکان زوھا نابن ، پشتی کو روناھیەکا دلوڤانیێ دناڤ چاڤێت زەلامی ڤەپەشین و ھەشێن وی ھاتینە سەری گوتە ھەڤژیناخۆ بلا ڤێ کچێ ژی دێ ب خودان کەین وەکو دیارە خۆدێ حەز نەکریە ئەڤ کچە ژمالامە دەرکەڤیت ، پشتی بۆرینا چەندین سالێن دویر و درێژ ئەو کچ وەکی خویشکێن خۆ مەزن بۆ قەستا خانداگەھێ کر و ل دۆماھیێ بۆ ماموستایا خویندنگەھەکێ ، بەلێ مخابن دوو خویشکێن وێ چۆنە بەر دلوڤانیا خودێ ، دوو خویشکێن دی ژی شویکرن ، پشتی بۆرینا(٦) سالان لسەر مرنا ھەردۆ خویشکێن وێ دەیکاوان ژی وەغەرکر، بتنێ ئەو کچا بابێ وێ بۆ دەمێ (٧) رۆژان سەر ئێک بریە مزگەفتێ دگەل بابێ خۆ مان دمال دا، بابێ وان ژی ل دۆماھیا ژییێ خۆ توشی نەخوشیەکا گران بوو کەفتە ناڤ نڤینا ، لەوا وێ کچێ زور ب دلوڤانی خزمەتا بابێ خو دکر و ب جوانی خودانکر و نەدھێلا چ کێماسی بگەھنە بابێ وێ ، رۆژانە بەری قەستا خاندنگەھێ کربا ھەرۆ سپێدا دا بابێ خۆ ژخەو ڕاکەت و تێشتێ دەتێ ، دەمێ وی زەلامی کچاخۆ دیت ھۆسا لبەر خزمەتا وی ڕاوەستایە دلێ وی دسوت و ھەر دکرە گری و کچاوی ژی گوت بابێ خوشتڤی ب خەم نەکەڤە ھەتا ئەز ساخم دێ خزمەتا بابێ خۆ کەم ، ناھێلم چ کێماسی بگەھنە تە ئەز ھەر دێ مینم کچەکا دلسوزو وەفادار بۆ تە دێ ھەموو ژیاناخۆ قوربانی تە کەم ھندی بمینی یێ ساخ ، ئەگەر تو بەری من مری دێ ھەر ئەو کچا خزمەتکارو دلوڤان بم ، ب شەڤ روژ دێ بۆتە (لاڤەیان) کەم ئانکو دوعایان دا خودایێ مەزن گیانێ تە ب بەحەشتاخۆ شادبکەت ، ڤێجا ئەو کچا نەشێت شوی بکەت ئەو کچ ئەزم دا بابێ من نەمینیت بێ خۆدان .

• نڤیسەرێ هێژا ئەو ناڤێ تە لخارێ هاتیە نڤیسین دکاری هەموو بابەتێین خۆ ببینی …. دگەل رێز