زێ بادینان:
پەیڤدارێ کۆمسیۆنا بلندا هەلبژارتنێن عێراقێ ڕاگەهاند، ڕاگەهاندنا ئەنجامێن دەنگدانا تایبەت دێ دگەل دەنگدانا گشتی بیت و ئەڤرۆ چ ئەنجام ناهێنە ڕاگەهاندن.
دومانا غەلای پەیڤدارێ کۆمسیۆنا بلندا سەربەخۆیا هەلبژارتنێن عێراقێ د داخویانیەکێ دا بەحسا وێیەکێ رکر، دەنگدانا تایبەت گرنگەیەکا تایبەت هەیە هەڤئاوایێ دەنگدانا گشتی، ئەم ژی وەکی کۆمسیۆنێ ئامادەینە بۆ هەر کارەکێ بلەز و نەخواستی و مە پلان ژی بۆ ڤان حالەتان دانایە.
ڕاگەهاند ژی، ئەنجامێن دەنگدانا تایبەت ئەڤرۆ ناهێنە ڕاگەهاندن و دێ دگەل دەنگدانا گشتی بیت، کو ئەڤێ ژی دێ ٢٤ دەمژمێران پشتی پرۆسەیێ بیت.
زەلال ژیکر، بەرەڤ پێشڤەچوون د پرۆسەیێ دا هەیە و ب ئاوایەکێ باش ب وی ئاوای پلان بۆ هاتیە دانان برێڤە دچیت.
ئەڤرۆ، پرۆسەیا دەنگدانا تایبەت بۆ هێزێن ئەولەکاری و ئاوارەیێن عێراقێ و زیندانیان برێڤەچیت و ئێکشەمبێ ١٠ی ئەڤێ مەهێ ژی، دەنگدانا گشتیا وەلاتیان دێ برێڤەچیت بۆ هەلبژارتنێن بەروەرختێن جڤاتا نوینەرێن عێراقێ، کو داخازا سەرەکییا خۆنیشاندانێن تشرینا سالا ٢٠١٩ێ بوویە.
سەرێ سپیدەهیا ئەڤرۆ، ب بەژداریا ملیۆن و ٥٧ هزار و ٧٢٧ کەسان ژ هێزێن سەربازی یێن عێراقێ و ٢٢٥ هزار و ٨٢٩ کەس ژی ل هەرێما کوردستانێ دێ بەژداریێ د هەلبژارتنێن تایبەتدا کەن.
لدیڤ داتایێن کۆمسیۆنا بلندا سەربەخۆیا هەلبژارتنان، ل عێراقێ ٢٤ ملیۆن و ٩٠٧ هزار و ٦٧٩ کەسان مافێ دەنگدانێ هەیە، ژ وێ ژمارێ ژی ١٤ ملیۆن و ٣١٦ هزار و ٢٣٧ کەسان کارتا بایۆمەترییا دەنگدانێ وەرگرتیە.
ل هەرێما کوردستانێ ژی، سێ ملیۆن و ٤٨٦ هزار و ٧٨٧ کەسان مافێ دەنگدانێ هەیە، ژ وێ ژمارێ ژی ئێک ملیۆن و ٩٤١ هزار و ٣٠٦ کەسان کارتا بایۆمەترییا دەنگدانێ وەرگرتیە و ب ڤێ ژی بسەر پارێزگەهێن هەولێر، سلێمانی و دهۆکێ دا پارڤەبوونە.
ل هەولێرێ ئێک ملیۆن و ٢٣٨ هزار و ٣٧٩ کەسان مافێ دەنگدانێ هەیە و ٥٧٧ هزار و ٥٩٧ کەسان کارتا بایۆمەترییا دەنگدانێ وەرگرتینە، ل پارێزگەها دهۆکێ ژی ٨٢٢ هزار و ٧٠٣ێ کەسان مافێ دەنگدانێ هەیە و ٥٢٠ هزار و ٧٢٩ کەسان کارتا بایۆمەترییا دەنگدانێ وەرگرتینە.
Comments are closed, but trackbacks and pingbacks are open.