زێ بادینان:
کۆمسیۆنا بلندا سەربەخۆیا هەلبژارتنێن عێراقێ ڕاگەهاند، دەمژمێر چاری ئێڤاری ل وان بنکەیێن ژ ئالیێ کۆمسیۆنێ ڤە هاتینە دەستنیشانکرن، جوداکاریا دەنگان بدەستی دێ برێڤەچیت ب ئارمانجا هەڤبەرکرن ب ئەنجامێن ئەلیکترۆنی.
ئەڤرۆ ئێکشەمبێ، جومانا غەلای پەیڤدارا کۆمسیۆنا بلندا سەربەخۆیا هەلبژارتنێن عێراقێ د پەیامەکا دەنگی دا ڕاگەهاند، پرۆسەیا هەلبژارتنان دێ ب ئاوایەکێ ئاسای برێڤەچیت.
ئاماژە ب وێیەکێ ژی کر، دەمژمێر ٤ی ئێڤاری جوداکاری و هەلبژارتنا بدەستی ل وان بنگەهان دێ دەستپێکەت ئەوێن هاتینە دەستنیشانکرن ب ئارمانجا هەڤبەرکرنێ دگەل ئەنجامێن ئەلیکترۆنی.
گوت ژی، ل دەمژمێر ٦ی ئێڤاری پرۆسەیا دەنگدانێ دێ ب داویی هێت و پشتی وێیەکێ ژی پرۆسە دێ هێتە جێبەجێکرن و هەژمارتن دێ دەستپێکەتن.
بەریا نها ژی پشتی تەمامبوونا دەنگان د دەنگدانێن تایبەتدا، پرۆسەیا جوداکرن و هەژمارتنا بدەستی یا دەنگان دەستپێکر ب ئارمانجا هەڤبەرکرن ب ئەنجامێن ئەلیکترۆنی، کۆمسیۆنا بلندا سەربەخۆیا هەلبژارتنان ڕاگەهاند، ئەنجام ١٠٠%ێ وەکی ئێک بوون.
ئەڤە د دەمەکێ دایە، دەمژمێر ٧ی سپێدیا ئەڤرۆ ئێکشەمبێ وەرە دەرگەهێن بنگەهێن دەنگدانێ دروویێ دەنگدەران دا هاتنە ڤەکرن بۆ دەنگدانا گشتی بۆ پەرلەمانێ عێراقێ و هەلبژارتن لژێر چاڤدێریا رێکخراوێن نەتەوەیێن هەڤگرتی و چاڤدێریا نیڤدەولەتی برێڤەدچیت.
Comments are closed, but trackbacks and pingbacks are open.