زێ بادینان
کۆمیسیۆنا ھەلبژارتنان ل عێراقێ بەڵاڤكرییە، کو ئامادەکاریێن لۆجستی یێن وان بۆ ئەنجامدانا ھەلبژارتنا پێشوەخت تەمام کرییەە و ڕژدی لسەر ئەوێ یەكێ كرییە كو خۆ ڤەکێشان و بایکۆت کرنا ھەلبژارتنان، کارتێكرن لسەر کارێن کۆمسیۆنێ نابیت.
پەیڤدارا کۆمیسیۆنا بلندا سەربەخۆییا ھەلبژارتنان ل عێراقێ، جومانە غەلای د داخویانیەكا ڕۆژنامەڤانیدا ئاماژە ب وێ یەكێ دایە کو کۆمسیۆنێ سەرجەم ئامادەکاریێن لۆجیستی بۆ ئەنجامدانا ھەلبژارتنا ل ژڤانێ خۆدا تەمامكرییە و ڕاگه‌هاند:
“کۆمسیۆنێ قۆناغا ئێكێ یا تاقیکرنا ئامێرێن دەنگدانێ تەمام کرییە، ل داوییا ئەڤێ هەیێ و ل قۆناغا دوویێ ژیدا، ئامێرێن تایبەت ب راگەهاندنا ئەنجامدانا ھەلبژارتنێ تاقیكەین”.
جومانە غەلای بەحس ژ وێ یەكێ ژی كرییە كو دابینکرنا ئاسایشێ بۆ دەنگدەران و به‌ربژێران ژ دەرڤەی بنگەهێن دەنگدانێ، د ستۆیێ حکومەتێدایە دڤێت دناڤ بنگەهاندا دكەڤیتە سەرملێن لژنەیا بلندا ئەمنی یا ھەلبژارتنان.
غەلای ئاشکرا کرییە کو تا نوكە چ به‌ربژێرەكی داخازا خۆ ڤەکێشانێ ژ ھەلبژارتنێن پێشوەختدا، پێشکێش نەکرییە کو ژمارە وان سێ ھزار و ٢٤٩ به‌ربژێره، چونکی تا ٢٠ی خزیرانا ڕابووری، وەک دوماهیك ژڤان بۆ ڤەکێشانا ژ ھەلبژارتنان هاتبوو دیاركرن.
هه‌روه‌سا ڕژدی ل وێ یەكێ كرییە كو کۆمسیۆن ئامادەیە ھەلبژارتنێن پێشوەخت ل ژڤانێ دیاركری یێ خۆ دا بهێنە ئەنجامدان و ڕاگه‌هاند: “خۆڤەکێشان و بایکۆتكرنا ھەلبژارتنان، کارتێكرنێ لسەر کارێن مە ناكەت، نابێت”.
بڕیاره ھەلبژارتنا پێشوەخت ل ١٠ی چرییا ئێكێ یا داھاتی ل عێراقێ بهێتە ئەنجامدان.
Comments are closed, but trackbacks and pingbacks are open.