کۆنفرانسەک دەربارەی دەستوورێ هەرێمێ دێ ل هەولێرێ هێتە سازکرن
زێ بادینان
پشکداریا سێ سەرۆکاتیێن هەرێما کوردستانێ ئەڤرۆ کۆنفرانسەک دەربارەی دەستوورێ هەرێمێ دێ ل هەولێرێ هێتە سازکرن.
کۆنفرانس ب ناڤێ ئێکرێزی و دەستوور ل زانکۆیا کوردستان ل هەولێرێ دێ هێتە سازکرن، نێچیرڤان بارزانی، سەرۆکێ هەرێما کوردستانێ، مەسروور بارزانی، سەرۆکێ حکومەتا هەرێما کوردستانێ، رێواز فایق، سەرۆکا پەرلەمانێ کوردستانێ دێ تێدا پشکدار بن.
هەرسێ سەرۆکاتی دێ گۆتارێن خۆ دەرباری دارشتنا دەستوورێ هەرێمێ پێشکێش کەن و ل ئێڤاریا ئەڤرۆ دێ دانوستاندنەکا تایبەت ل گەل نێچێرڤان بارزانی، سەرۆکێ هەرێمێ هێتە کرن.
هەر د کۆنفرانسی دا سەرکردە و بەرپرسێن حزبێن سیاسی یێن هەرێمێ و 29 کۆنسۆلێن وەلاتێن بیانی، هەروەسا جینین پلاسخارت، نینەرا نەتەوەیێن ئێکگرتی ل ئیراقێ دێ پشکدار بن.
ل دەستپێکا هەیڤا نیسانێ سەرۆکاتیا پەرلەمانی داخواز ژ هەمی ئالیێن سیاسی کریە راپۆرتێن خۆ دەربارەی بەرهەڤکرنا دەستوورێ نوی رادەست بکەن و سەرۆکێ هەرێمێ د هەیڤا بووری دا دەربارەی هەمان بابەت ل گەل پتریا هێزێن سیاسی ل هەرێمێ کۆم بوویە.
Comments are closed, but trackbacks and pingbacks are open.