ل سەر دساخازا وەزیرێ ئاڤەدانکرن و ئاکنجیبوونێ، سەرۆکێ حکومەتێ رەزامەندی ل سەر مەزاختنا کۆژمێ 60 ملیار دیناران دا بۆ بجهئینانا پرۆژێ رێیا کەلار – دەربەندیخان.
ب فەرمانا سەرۆکێ جڤاتا وەزیران، سەرۆکاتیا دیوانا جڤاتا وەزیران ل رۆژا 12/6/2022 ێ نڤیسارەک ئاراستەی وەزارەتا دارایی و ئابووری کریە و تێدا رەزامەندی ل سەر کۆژمێ 60 ملیار دیناران دیارکریە ب مەرەما بجهئینانا دروستکرنا رێیا کەلار- دەربەندیخان.
مالپەرێ حکومەتا هەرێمێ راگەهاندیە، ئەڤەژی پشتی بزاڤێن بەردەوام یێن وەزیرێ ئاڤەدانکرن و ئاکنجیکرنێ دهێت بۆ مەزاختنا بودجێ ب مەرەما نویژەنکرنا گێکو پران و تمامکرنا دوو سایدێط دناڤبەرا باژێران دا.
هەر وسا ئاماژە کریە، وەزیرێ ئاڤەدانکرن و ئاکنجیکرنێ بەردەوام تەکەزی ل سەر بلەز تمامکرنا پرۆژێ رێیا کەلار- دەربەندیخان دکەت، د ڤی چارچوڤەی دا د دەمێ ژیێ ڤێ کابینەیا حکومەتێ دا حەفت جاران ب رەنگەکێ مەیدانی سەرەدانا ڤی پرۆژەی و پرۆژێن دی یێن وی سنووری کریە و ڤەکۆلین و دیڤچوون لسەر چاوانیا برێڤەچوونا پرۆژان کرییە، ژ پێخەمەت خزمەتکرنا وەلاتییان و دابینکرنا رێیەکا ب سلامەت بۆ وان.
Comments are closed, but trackbacks and pingbacks are open.